Texts
Return to list | edit | delete | Create a new | history | Statistics | ? Help
Sem’onov P’otr . Kaksi kauppumiesty
Sem’onov P’otr
Kaksi kauppumiesty
Livvi
New written Livvic
Köyhy
kauppumies lähti matkah da kai iččeh ruadovehkehet jätti elokkahale kauppumiehele vardoittavakse .Konzu häi kiändyi järilleh , meni elokkahan kauppumiehen luo da pakičči iäres iččeh ravvat .Elokas kauppumies möi kai raudahizet vehkehet i gu kuitahto oijustuakseh sanoi :
– Sinun ravvoinke pahua rodih .
– A mibo rodih ?
– Minä panin net leibyaittah . Sie oli ylen äijy hiirdy .Net kai ravvat jyviettih .Minä iče näin kui net syödih .Gu et uskone , sit mene kačo .
Köyhy kauppumies ei ruvennuh kiistämäh .
Häi sanoi :
– Midäbo on kaččuo .Minä mugagi uskon .Minä tiijän : hiiret ainos jyvietäh raudua .Proššaikkua .
Köyhy kauppumies lähti iäres .
Pihal häi nägi elostajan brihačun — elokkahan kauppumiehen poijan .Köyhy kauppumies hyväili brihačustu , otti yskäh da kandoi kodih .
Tossupiän elokas kauppumies vastavui köyhänke da saneli omassah hiän , ku kadoi hänen poigu da kyzyi :
– Eigo nähnyh libo kuulluh ?
Köyhy kauppumies vastai :
– Näin .Egläi vai lähtin sinulpäi , kerras näin : haukku lendi sinun brihaččuzeh , tabai hänen da kandoi iäres .
Elokas kauppumies tabavuksis sanoi :
– Eigo ni huigei ole sinul nagrua minuu .Jokse haukku voimuus kandua brihaččuzen .
– En , minä en nagra . Mittuinebo on kummu , ku havukku otti brihaččuzen .Hiiret syödih sada puudua raudua .Kaikkie tapahtuu .
Sit elokas kauppumies ellendi da sanoi :
– Hiiret ei syödy sinun raudua , sen minä möin da sinule maksan kaksi hindua .
– Muga ku ollou , sit ei ni haukku ottanuh sinun poigua , minä sinule hänen annan .
Kaksi kauppumiesty
Livvi
New written Livvic
–
–
–
–
–
–
Tolstoi, Lev
Два купца
Russian
—
—