Texts
Return to list | edit | delete | Create a new | history | Statistics | ? Help
Valentina Libertsova. Tiedoloinpäivy, terveh!
Valentina Libertsova
Tiedoloinpäivy, terveh!
Livvi
New written Livvic
Pihl’uas marjat
ruskotah ,
Tuldih tuulet kovembat ,
Vihmuu korvois puaksumbah ,
Lämmät päivät harvembat .
Lapset školah varustutah ,
Ystävienke vastavutah ,
Kezäšeikkoi sanellah ,
Ajelendoi löyhketäh .
Tetratit jo vallitut ,
Viivattimet ostetut ,
Piirdimet terendetyt ,
Školareput kerätyt .
Kniigoin kannet läpetetäh ,
Kirjuttimet muanitetah
Midätahto kirjuttamah ,
Tyttiškolah elostamah .
Vahnembat kai zobotas :
Lapset kezäs kazvetah ,
Uvvet sovat ostua pidäs ,
Vie gu mieldy myöte roittas ,
Da ei kerras revittäs ,
Redovuttas , murettas !
Katalougoi livaillah ,
Pädevembiä ečitäh ,
Tilavuksii keksitäh ,
Lapsii kižois temmatah ,
Laukois kodvan miärätäh ,
Tarkah lapsii kiänelläh .
Räket päivät loppuh mendih ,
Kezän ilot jällele jiädih .
Syvyskuu tuas jo kynnyksel ,
Tiedoloinpäivy kellon kel !
Roikkah vuozi kebjiembi ,
Maltoloin suandu lujembi ,
Opastundu kiinnostau ,
Školah mennä himoittau !
Aigu mengäh raviembah
Tulieh poudah kezässäh !
Tiedoloinpäivy , terveh !
Laske opastusvuodeh !
Kodvan sinuu vuotimmo ,
Roittos hyvä , uskommo !
Tiedoloinpäivy, terveh!
Livvi
New written Livvic