Texts
Return to list | edit | delete | Create a new | history | Statistics | ? Help
Sem’onov P’otr . Lehmy
Sem’onov P’otr
Lehmy
Livvi
New written Livvic
Leski
Mari eli iččeh muaman da kuvven lapsenke .Hyö oldih köyhät ,ga jälgimäzih dengoih ostettih muzavanruskei lehmy , gu olis lapsile maiduo .Vahnembat lapset syötettih lehmiä mečäs da juotettih kois astien pezoviel .Kerran muamah lähti koispäi , a vahnin brihačču Miša meni ottamah leibiä pualičalpäi , kirvotti stokanan da murendi sen .Häi pöllästyi , ku muamah rubieu čakkuamah .Suuret st’oklupalat suatoi tahnuoh da peitti höštyöh , a pienet st’oklupalazet keräi da lykkäi luahkan’n’ah .Muamah kyzyi kus on stokan , ga Miša ei sanonuh .
Tossupiän jälles murginua muamah lähti andamah lehmäle pezovezii da nägi lehmy ei syö heiniä .Ruvettih parandamah lehmiä , kučuttih baboidu .Baboi sanoi :
– Lehmy ei piäze hengih , pidäy iškie lihakse .
Kučuttih mužikku , ruvettih iškemäh lehmiä .Lapset kuultih kui
tahnuos rubei mängymäh lehmy .Kaikin mendih päčile da ruvettih itkemäh .Konzu lehmy iškiettih , sen kulkus löyttih st’oklupala .
Sit tiijustettih : lehmy töllöi sendäh , ku juomizih oli puuttunuh st’oklupala .Konzu Miša tiijusti sen , rubei äijäl itkemäh da sanoi Muamale st’oklah näh .Muamah ei virkanuh nimidä da rubei sežo itkemäh .Häi sanoi :
– Myö tapoimmo oman Buur'akozen , a ostua tostu lehmiä ei ole mih .Kuibo ruvetah elämäh pikkarazet lapset maijoittah ?
Miša rubei vie enämbäl itkemäh da ei lähtenyh päčilpäi , konzu toizet söödih lehmän piaäs azuttuu studenii .Häi joga yödy nägi unis , kui Vas'a diädö kandoi sarvis tapetun Buur'akoin piädy .Jälles sidä lapsil ei olluh maiduo .Vaiku pruazniekoin aigah oli maiduo , konzu muamah pakičči rahvahal .
Kerran sen kylän naine rubei eččimäh lapsenkaččojua .Baboi sanoi muamale :
– Piästä minuu lapsenkaččojakse .Eigo Jumal avvuta sinule yksinäh piästä lapsien kel . Eigo minä vuvves lunnasta lehmän ostandah .Mugai azuttih .Baboi lähti lastu kaččomah .A muamale rodih vie jygiembi lapsien kel .
Lapset kogo vuozi elettih maijoittah , syödih vaiku kiiselii da vuassuhilluo , laihtuttih da kellistyttih .Meni vuozi , baboi tuli kodih da toi kaksikymmen rubl'ua .
– Nu , tytär sanoi häi . – Nygöi ostammo lehmän .
Ihastui muamah , ihastuttih kai lapset .Baboi da muamah lähtiettih bazarile ostamah lehmiä .Lähimästy naistu kučuttih olemah lapsien kel , a Zahar-diädö otettih keräle valliččemah lehmiä .Molittihes Jumalale da ajettih linnah .Lapset syödih da lähtiettih piäle kaččomah jogo vietetäh lehmiä .Lapset ruvettih arbailemah mittuine roihes lehmy – ruskei vai mustu .Hyö ruvettih tarattamah , kui ruvetah syöttämäh sidä .Hyö vuotettih kogo päivy .
Virstan peräh mendih vastuamah lehmiä .Jo hämärdyi konzu tuldih kodih .Sit rahtih : delegäl ajau baboi , a tagarattahan rimal astuu sarvis sivottu lehmy .Jälles astuu muamah da viuhkuttau viččastu .Lapset juostih kaččomah lehmiä .Kerättih leibiä , heiniä da ruvettih syöttämäh .Muamah punaldih pertih , jaksoihes da tuli järilleh pihale käzipaikan da lypsinrenginke .
Häi kykistih lehmän tyveh da pyhkii sen udarehet .
– Jumal blahoslovikkah sanoi häi da rubei lypsämäh lehmiä , a lapset istuttihes ymbäri da kačottih , kui maido lähti udarehis lypsinrengin laidah da rubei šohizemah muaman sormien välis .
Muamah lypsi puolen lypsinrengii , kandoi maijot aittah da valoi lapsile padazen ildazekse .
Lehmy
Livvi
New written Livvic
–
–
–
Tolstoi, Lev
Корова
Russian
—
—