Texts
Return to list | edit | delete | Create a new | history | Statistics | ? Help
Sem’onov P’otr . Kondii delegäs
Sem’onov P’otr
Kondii delegäs
Livvi
New written Livvic
Kondien
viettelii meni kabakan luo , sidoi kondien veriän tyveh , a iče meni kabakkah ryyppiämäh .Jamšiekku troikal ajoi kabakan luo , sidoi keskimäzen hevon da sežo meni kabakkah .A jamšiekal delegäs oldih kringelit .
Kondii vainutti delegäs kringelit , piäzi välläle , meni delegäh da rubei eččimäh heinis .Hevot pöllästyttih da ryökästettihes dorogua myö .Kondii tartui käbälil istuimeh da ei tiijä kui olla .A hevot midä loitombakse , sidä enämbäl livutah .Kondii ezikäbälil pidähes istuimes da vaiku piädy kiändelöy čurah toizeh .A hevot kačahtellahes da vie raviembah juostah dorogua myöte ylämägeh da alamägeh …Vastah tulijat ei ehtiä eistyö bokkah .
Hevot juostah vuahtes , delegäs istuu kondii da kačahteleh ymbäri .
Kondii nägöy : pahat dielot ollah — hevot tapetah händy .Se rubei mörizemäh .Hevot vie raviembah juostah .Juostih-juostih da tuldih kodih .Kaikin kačotah , kenbo nengoine ajau .Hevot azetuttih omah pihah , veriän tyveh .Emändy nägöy :ižändy ajoi pahoi , nägyy , on humalas .Häi meni pihale , a delegäspäi ei ižändy — kondii heittyy .
Kondii hyppäi pagoh , juoksi pellole da meččäh .
Kondii delegäs
Livvi
New written Livvic