Texts
Return to list | edit | delete | Create a new | history | Statistics | ? Help
Sem’onov P’otr . Jyrky kuritus
Sem’onov P’otr
Jyrky kuritus
Livvi
New written Livvic
Yksi
ristikanzu osti lehmänlihua .Bazarii händy muanitettih : annettih pahua lihua da vähembi sidä , midä pakičči .
Häi astuu kodih da čakkailehes .Hänele vastah tulou tsuari da kyzyy :
– Sinä kedäbo čakkuat ?
A häi sanou :
– Minä čakkuan sidä , ken muanitti minuu . Minä maksoin kolmes funtas , a minule annettih vaiku kaksi , da sen piäle pahua lihua .
Tsuari sanoi :
– Läkkä järilleh bazarile da ozuta ken sinuu muanitti .
Ristikanzu lähti järilleh da ozutti myöjän .Tsuari käski viesata lihat da nägi : myöjy toven kielasti .Tsuari sanoi :
– Nu , kuibo sinä tahtot , gu minä händy kurittazin ?
Häi sanoi :
– Käske hänen selläs leikata sen verdu lihua , min verral häi kielasti minuu .
Tsuari sanoi :
– Hyvä , ota veičči da leikkua myöjäs funtu lihua . Vaiku kačo , ku sinun leikattu liha olis parahite .A gu leikannet enämbän libo vähembän funtua , sit sinä roittos viäry .
Ristikanzu vaikastui da lähti kodih .
Jyrky kuritus
Livvi
New written Livvic