Texts
Return to list | edit | delete | Create a new | history | Statistics | ? Help
Sem’onov P’otr . Tsuari da paidu
Sem’onov P’otr
Tsuari da paidu
Livvi
New written Livvic
Yksi
tsuari oli voimatoi da sanoi :
– Annan puolen valdukundua sille , ken parandau minuu .
Sit kerävyttih kai viizahat miehet da ruvettih ajattelemah , kui parandua tsuari .Niken ei tiedänyh .Vaiku yksi mies sanoi , kui tsuari voibi parandua .Häi sanoi :
– Pidäy löydiä ozavu ristikanzu , ottua hänel paidu da panna se tsuarile piäle . Sit tsuari paranduu .
Tsuari työndi eččimäh ozavua ristikanzua .Tsuarin herrat hätkin ajeltih kaikkie valdukundua myö , ga ei voidu löydiä ozavua ristikanzua .Ei olluh ni yhty mostu , kudual olis kai mieldy myö .
Yksi on elokas , ga voimatoi .Ken on terveh , se on köyhy .Ken on terveh dai elokas , ga sil akku ei ole hyvä .A kelgo lapset ei olla hyvä .Kaikil mitahto on pahoi .
Kerran myöhä illal tsuarinpoigu astui siiriči mökkizes da kuuli : kenlienne sanoi :
– Vot passibo Jumalale , kylläl ruavoin , söimmös da vierin muate .
Midäbo minule vie pidäy ?
Tsuarinpoigu ihastui , kaski ottua sil ristikanzal paijan piäl , andua hänele dengua min vai tahtonou , a paidu suattua tsuarin luo .
Herrat tuldih ozavan ristikanzalluo da tahtottih ottua hänen paidu .Ozavu ristikanzu oli moine köyhy , ga hänel piäl ei olluh ni
paidua .
Tsuari da paidu
Livvi
New written Livvic