Texts
Return to list | edit | delete | Create a new | history | Statistics | ? Help
Sem’onov P’otr . Kolme varrastu
Sem’onov P’otr
Kolme varrastu
Livvi
New written Livvic
Yksi
mužikku vietti linnah myödäväkse oslua da kozua .Kozal kaglas oli čilukelloine .
Kolme varrastu nähtih mužikku da yksi sanoi :
– Minä varrastan kozan , ga mužikku ei ni huomua .
Toine varras sanoi :
– A minä mužikal varrastan oslan , häi ni huomua ei .
Kolmas varras sanoi :
– Segi ei ole vaigei . A minä mužikal kai sovat varrastan .
Enzimäine varras hiivoi kozan luo , kaglas otti čilukellozen da sidoi oslan händäh , a kozan vietti pellole .
Punalmukses mužikku kačahtih tuaksepäi , nägi : kozua ei ole da rubei eččimäh .
Sit hänen luo tuli toine varras da kyzyi midäbo häi eččiy .
Mužikku sanoi , ku hänel varrastettih koza .
Toine varras sanoi :
– Minä näin sinun kozua .Vaste vai täh meččäh juoksi ristikanzu kozanke .Händy voibi tavata .
Mužikku juoksi tabuamah kozua da varrastu pakičči pietellä oslua .
Konzu mužikku kiändyi mečäspäi da nägi : hänen osluagi ei ole , häi rubei itkemäh da lähti dorogua myö .
Dorogupieles lammin rannas häi nägi : ristikanzu istuu da itköy .
Mužikku kyzyi mibo hänele tapahtui .
Ristikanzu sanoi , ku hänel käskiettih suattua linnah huavo kuldua .
Häi istuihes huogavumah lammin ramaale , uinoi da unimieles ahkäi huavon vedeh .
Mužikku kyzyi , mindähbo häi ei mene vedeh ottamah sidä ?
– Minä varuan mennät vedeh , ku en malta uldua . Minä annan kaksikymmen kuldastu dengan sille , ken löydäy huavon .
Mužikku ihastui da duumaiččou :
– Minuu Jumal autoi sentäh , ku minul varrastettih koza da oslu .
Häi jaksoihes , čukeldih vedeh , ga huavuo kullanke ei löydänyh .
A konzu häi nouzi viespäi , hänen sobii jo ei olluh .
Se oli kolmas varras .Häi varrastigi sovat .
Kolme varrastu
Livvi
New written Livvic
–
–