Texts
Return to list | edit | delete | Create a new | history | Statistics | ? Help
Sem’onov P’otr . Hiiri, kukoi da ižäččy kaži
Sem’onov P’otr
Hiiri, kukoi da ižäččy kaži
Livvi
New written Livvic
Hiiri
lähti kävelemäh .Käveli pihua myö , tuli uvvessah muamah luo da sanoi :
– Nu , muamoi , minä näin kaksi zvierii . Yksi oli hirvei , a toine hyväntahtoine .
Muamo kyzyi :
– Sano , mittumatbo ollah net zvierit ?
Hiiri sanoi :
– Yksi vahnin kävelöy pihua myö nenga : sil jallat ollah mustat , harju on ruskei , silmät pul’čalleh , a nenä koukulleh . Konzu minä astuin siiriči , häi avai kijan , nosti jallan da rubei mängymäh muga ravieh , pöllästyksis minä en tiedänyh kunne pajeta .
– Se oli kukoi , sanoi vahnu hiiri ,– häi ei azu pahuttu nikenele , händy älä varua . Nu , a toine zvieri ?
– Toine nojai päivypastos da lämmittelih . Sil kaglu oli valgei , jalgazet harmuat , siliet .Iče nuolou omua valgiedu ryndähästy da händästy vähäzel lekuttau , kaččou minulpäi .
Vahnu hiiri sanoi :
– Töhlö sinä , töhlö . Sehäi oli iče ižäččy kaži .
Hiiri, kukoi da ižäččy kaži
Livvi
New written Livvic