Texts

Return to review | Return to list

Lapšuš on totini as’s’a

history

September 22, 2025 in 11:09 Нина Шибанова

• created the text
• created the text: Šyyškuun 1.^ päivänä Kiži-musejon lapšien keškukšešša avautu uuši Lapšuš on totini as’s’a -näyttely. Myö kävimä šinne pojan kera. Kuin kerrotah näyttelyn järještäjät, šen järještämisen ideja šynty Marija Stepanovna Prokinan tovellisen elämän istorijašta. Naisen lapšuš oli XX vuosišuan enšimmäiseššä nellänteheššä. Näyttelyn luatija ta kurattori Anna Isakova on Marija Proninan šukulaini. Piäšyllä vierahie ottau vaštah piäšankari – talonpoikaperehen tyttö Man’uška, kumpani on opaš männeisyöh. Interaktiivini näyttely kertou, kuin elettih muanruatajien lapšet yli šata vuotta takaperin, kuin hyö ruattih, opaššuttih koulušša, šeuruššeltih vanhempien kera. Miun St’opa-poika iče opaštu keittämäh huttuo ta paistamah leipyä kiukuašša, keräsi palapelistä tilkkutäkin ta hurštin, kuot’t’eli kirjuttua muštiella. Kaikešta eniten hiän tykkäsi meččäošua, kunne järještäjät “issutettih” šienet ta rakennettih kontien pešä, mih šai kömpie ta tuntie iččie kontiena. Pimiekuušša näyttelyššä esitetäh Man’uška-audiospektakli aikuhisilla. Näyttelyprojektie kannatti Pohjosen hyvyš -šiätijö, a košettavie makettija, kehittäjie pelijä ta sensoričuppu rajotetun tervehyön lapšilla järješšettih Valohyvänluajintašiätijön kannatukšella.