Texts
Return to list | edit | delete | Create a new | history | Statistics | ? Help
Silakova Natalja . Pihlän mägi
Silakova Natalja
Pihlän mägi
Veps
New written Veps
Tämbei-se neiččed
mäneba mehele vauktoiš sädoiš , a ende ka panliba päle rusttoid platjoid da völ pal’mikol pihläčuišpäi čomenzoitiba pän .Mugoine vero oli siš aigas , konz meiden rahvaz mecas eli edahan toine toižespäi .
Ühtel mecnikal oli tütär , lujas čoma neižne .Äi ženihoid tuleskeli kozičemha händast , vaiše kaikid hül’gäitihe .Rahvahas zavottihe pagišta , miše neižne muga jäb-ki igäništujan , nikonz ei mäne mehele , no hän vaiše nagroi vastha .
Kerdan meiden agjoiš siriči ajoi bohat kupc Kunig .Muga neižne tuli hänele mel’he , miše hän tahtoškanzi otta händast akaks .Oigenzi hän kozičijoid , a heile pandihe habaine haug pordhile , mi znamoiči "ei ".Läksi Kunig neiččen tatannoks , bohatan pridannijan andoi .
– Teiden agjas tütren elo-ozad vanhembad pätaba , a meiden – iče neiččed , – sanui mecnik .
– Ken sötab da jotab last , se pätab-ki hänen elo-ozad . Mikš teil muga om ?
– Meil neiččed iče voiba sötta ičtaze , hö oma hüväd kalanikad da mecnikad . Kacu , hänel vöveič-ki kaiken om hänenke kut sinai-ki .Ka kacu : hän om mugoine-žo kut sinä-ki , i iče voib pätta ičeze elo-ozad .
Bohat Kunig ei harjenend , konz händast hül’gäitas , i päti kuivatada neidišt .Läksi hän pahan noidannoks , i se kuivati neiččen .
Sai vätihe Sügüz’-praznikal , sügüzel .I ei muite , Ut vot-se praznuitihe , konz päivän da ön piduz’ oliba ühtejiččed .Necikš päiväks satuz oli jo keratud .Emägad paštoiba pirgoid marjoidenke , kalanke da lihanke , päsömižen oli maidos vai hapamaidos härkitud taukun bolanke .Kanman ehtad emäg sambuti lämoin , a homendesel viriti uden .Rahvaz uskoi , miše uden lämoinke zavodiše Uz’ voz’ .
Mecnikan pertiš mugažo keratihe stolale , ženihod adivoičetadihe .Kaik azjad Kuniganke oli pagištud .Ka , nägub , nimitte puheg ei voi käskta armastada .Podruškaižed paniba nevestan päle rusttan platjon , pän čomenzoitiba pal’mikol pihläčuišpäi i vediba händast irdale pihlännoks , mitte kaikes pahaspäi kaiči .Tokazihe neižne pihlän tüvehe , sebazi sidä – sid’-žo pal’mik murenzihe i pihläčud tegihe mustoikš .Kuti südäimespäi paloiba .Konz völ-ki mustemba tegihe , ka nevest il’mestui .Naku mitte pihläine om , kaiken noidusen oti ičheze .Ei lähtend mecnikan tütär mehele armastuseta .A siš aigaspäi mugoine vero sündui-ki – sügüzel neiččed mäneba mehele rusttoiš platjoiš , a pertinno ištutaba pihläižen-kaičijan .
Pihlän mägi
Veps
New written Veps