Texts

Return to review | Return to list

Udištadud Kalagen škol vastsi openikoid

history

September 29, 2025 in 14:09 Нина Шибанова

• changed the text
  Täl openduzvodel udištadud Kalagen skolas opendase 59 openikad. Klassad oma pened: ezmäižes klassas om kaks’ openikad, 11.^ klassas – koume. Školas kaiken om läm’ da kodikahašti – tehtas kaik, miše lapsed kävuižiba školha hüviš meliš. Kalagen školas openduzvodeks zavottihe vaumištadas aigvodhe. Täs pidetas hol’t tulijas sugupol’ves, lapsiden tervhudes da varumatomudes, sikš kohendusele-ki školas da školan sijal anttas sur’ homaičuz. Täl vodel om tehtud sured kohenduzradod kut školan südäimes, muga irdal-ki: školanno pandihe uz’ asfal’t, vajehtadihe parebrikoid. Kaik nenid radoid tehtihe Kalagen administracijan pämehen Mihail Pol’akovan, školan pämehen Svetlana Gotičan, “VAD”-teorganizacijan, karjeroiden da Karjalan valdmehišton ühthižradon abul. – “VAD”-organizacijas tehtihe meiden školezitanhan projekt, sijaline “Karelflot Invest”-karjer andoi kivimuruid, toižiden karjeroiden pämehed andoiba mašinoid, tehnikad, tegiba kaivon vedenlähtendan täht, toiba gabbro-diabazaspäi tehtud parebrikoid. Mahtokahad tundijad paniba asfal’tan školanno. Nügüd’ mö lopim radoid. Kaikile sur’ spasib!^ – sanub školan pämez’ Svetlana Gotič. Mugažo necil vodel todenzoittas völ üks’ projekt – tehtas elektrolämoituz da aid školsportstadional. Rahad anttas Karjalan b’udžetaspäi. Sügüz’kun 1.^ päiväl lapsid varasti školas hüvä lahj – avaitihe školan muzei. Nügüd’ lapsed voiba čukloutas ičeze rahvahan istorijaha da enččihe tradicijoihe ani školas. Muzejan honusen tegi augotižklassoiden opendai Anastasia Mal’kova. Hän tuli radmaha Kalagen školha muloi “Küläopendai”-programman abul. Anastasia Andrejevna om lujas aktivine nor’ opendai. Hän om karjalaine Vedlozero-küläspäi, sikš hänele om melentartušt kaik, mi om sidotud rahvahan kul’turanke da tradicijoidenke. – Nügüd’ äjid školid paremboittas, niid tehtas nügüd’aigaižikš. Minei tahtoihe, miše školas oliži mitte-se erigoičuz, miše täs kaičižihe endevanhoiden aigoiden mušt. Školan pämez’ tugezi minun idejad, i kezal mö zavodim todenzoitta sidä eloho. Kaik, mi om honuses, om tehtud ičeze käzil. Mö tegim päčin fragmentan, a mugažo stolan, miše täs voiži vedäda openduzčasuid, mastar’-klassoid lapsiden täht. Eksponatoid otim školan fondaspäi. Om mel’he, miše Šoutjärven muzejan radnik Natalja Anhimova andoi meile nevondoid siš, kut pidab oikti panda kaluid, – sanui Anastasia Mal’kova. Muzejan täht jatketas kerata vanhoid kaluid, miččed starinoičeba vepsän rahvahan elos. Školas zavodihe akcii “Lahjoiče eksponat školan muzejale”. Kaikutte voib tehta panendan istorijan kaičendaha.

September 29, 2025 in 14:08 Нина Шибанова

• created the text: Täl openduzvodel udištadud Kalagen skolas opendase 59 openikad. Klassad oma pened: ezmäižes klassas om kaks’ openikad, 11.^ klassas – koume. Školas kaiken om läm’ da kodikahašti – tehtas kaik, miše lapsed kävuižiba školha hüviš meliš. Kalagen školas openduzvodeks zavottihe vaumištadas aigvodhe. Täs pidetas hol’t tulijas sugupol’ves, lapsiden tervhudes da varumatomudes, sikš kohendusele-ki školas da školan sijal anttas sur’ homaičuz. Täl vodel om tehtud sured kohenduzradod kut školan südäimes, muga irdal-ki: školanno pandihe uz’ asfal’t, vajehtadihe parebrikoid. Kaik nenid radoid tehtihe Kalagen administracijan pämehen Mihail Pol’akovan, školan pämehen Svetlana Gotičan, “VAD”-teorganizacijan, karjeroiden da Karjalan valdmehišton ühthižradon abul. – “VAD”-organizacijas tehtihe meiden školezitanhan projekt, sijaline “Karelflot Invest”-karjer andoi kivimuruid, toižiden karjeroiden pämehed andoiba mašinoid, tehnikad, tegiba kaivon vedenlähtendan täht, toiba gabbro-diabazaspäi tehtud parebrikoid. Mahtokahad tundijad paniba asfal’tan školanno. Nügüd’ mö lopim radoid. Kaikile sur’ spasib! – sanub školan pämez’ Svetlana Gotič. Mugažo necil vodel todenzoittas völ üks’ projekt – tehtas elektrolämoituz da aid školsportstadional. Rahad anttas Karjalan b’udžetaspäi. Sügüz’kun 1.^ päiväl lapsid varasti školas hüvä lahj – avaitihe školan muzei. Nügüd’ lapsed voiba čukloutas ičeze rahvahan istorijaha da enččihe tradicijoihe ani školas. Muzejan honusen tegi augotižklassoiden opendai Anastasia Mal’kova. Hän tuli radmaha Kalagen školha muloi “Küläopendai”-programman abul. Anastasia Andrejevna om lujas aktivine nor’ opendai. Hän om karjalaine Vedlozero-küläspäi, sikš hänele om melentartušt kaik, mi om sidotud rahvahan kul’turanke da tradicijoidenke. – Nügüd’ äjid školid paremboittas, niid tehtas nügüd’aigaižikš. Minei tahtoihe, miše školas oliži mitte-se erigoičuz, miše täs kaičižihe endevanhoiden aigoiden mušt. Školan pämez’ tugezi minun idejad, i kezal mö zavodim todenzoitta sidä eloho. Kaik, mi om honuses, om tehtud ičeze käzil. Mö tegim päčin fragmentan, a mugažo stolan, miše täs voiži vedäda openduzčasuid, mastar’-klassoid lapsiden täht. Eksponatoid otim školan fondaspäi. Om mel’he, miše Šoutjärven muzejan radnik Natalja Anhimova andoi meile nevondoid siš, kut pidab oikti panda kaluid, – sanui Anastasia Mal’kova. Muzejan täht jatketas kerata vanhoid kaluid, miččed starinoičeba vepsän rahvahan elos. Školas zavodihe akcii “Lahjoiče eksponat školan muzejale”. Kaikutte voib tehta panendan istorijan kaičendaha.

September 29, 2025 in 14:08 Нина Шибанова

• created the text