Texts
Return to review | Return to list
Kaivajad ozutiba ičeze mastarut praznikal
history
September 30, 2025 in 15:49 Нина Шибанова
- created the text
- created the text: Amussai Kalagen külä om tetab kivel. Nügüd’ sigä radab kahesa kivisaskelišt karjerad. Kaivajan päiväl karjeroiden radnikoid ozateldihe heiden professionaližen praznikanke. Kaikuččen voden Kalages praznuitas Kaivajan päiv. Nece om jo tehnus čomaks külän tradicijaks. Se pidetas elokun jäl’gmäžen sobatan “Kalarand”-etnoparkas. Täl vodel kacmata vihmuhu i viluhu säha praznikale tuli äi rahvast. Kaivanikoid ozateldihe pofessionaližen praznikanke, spasiboičiba rados da tedomahtos. – Kaikuččen voden tulem kanzanke praznikale. Programm om melentartuine kut aigvoččiden, muga lapsiden-ki täht. Minun kanzas kaik mužikad radoiba i radaba karjeras, saba kived – nece om lujas jüged rad. Kaikile kivenradnikoile toivotan kovad tervhut da satusid rados, – sanui Kalagen eläi Maria Mironova. Praznikan programmaha mülüiba mastaruden konkursad kaivanikoiden keskes, jaugmäčvänd karjeroiden joukuiden keskes, muzikprogramm. Ičeze mastarut ozutiba kranan, kaivanmašinan da samosvaloiden vedäjad, svarščikad da buraudajad. Vägestajad kaikuččes konkursas saiba lahjoid da kitändkirjeižid.