Texts
Return to list | edit | delete | Create a new | history | Statistics | ? Help
Valentina Kondratjeva. Jäičät
Valentina Kondratjeva
Jäičät
Livvi
New written Livvic
A
midäbo eletäh-lošketah In’a Sergienke ?Mittustu kummua pietäh ?Ongo hos niidy olemas ?Ägiä tiedäkkiä nimidä !On !
Vastavuo puaksuh ystävät ei voija , ga telefonas , kui sanotah , istutah puaksuh .In’a , Sergien mučoi , soittau Verale , Fed’an mučoile .
‒ Vera , kuundele , sanelen sinul oman kumman . Suovattan Sekonke ajelimmo linnah einehii ostamah .Keräimmö tävven tavartelinehen .Iče tiijät , ajelemmo kerran nedälis , autolaukkah ei ole nimittustu nad’ožua .Kannoimmo verandale einehet .
Kaksi kymmeniekkuvakkua jäiččiä stolal jo ei synnytty , net heitäldin lattiele .Toiči heitän jo tyhjät vakat , sit Sergii tulou da polgou-mädžähyttäy net , gu vähembi sijua otettas toppuhuavos .Mugagi nygöi .Minä ruokin einehii kedä škuappah , kedä jiäškuappah da ni miksenäh , gu vie jäičät ollah lattiele .Sih karahtih Sekko :
‒ O-o-o !Täs minulgi ruado !
Da ruttoh polgou kaikel väil vakan piäl da sidä rutombi toizel jallal toizen piäl .
Sihgi jämpistyi , huarotti silmät da avai suun .
Minä kerras en voinnuh ellendiä mi rodih , kuni en kačahtannuh hänen jalgoih .
Jäiččien mäzrät valuttih puhtahal lat’ehurstile .
‒ Midäbo ruavoit "edenöi "? Anna yhten !Ga miksebo toizen ?
‒ Minä edenöi ? A sinä mikse jäiččienke vakat panit lattiele ?
‒ Sit minä sežo "edenöi "! Nu ei vie kodi kuadunuh nämmien jäiččien täh .Šipainiekkua vai huomei emmo syö !
‒ Daaa ! Se paha ! vönöhytti Sergii da kyzyi :
‒ Nu viego hätki minul täs jäiččypezäs seizuo ?
‒ Hätki ! Kodvaine tirpa !Toižel kerdua rubiet kaččomah , kunne pollet .
Minä toin ukol vezituazan .
‒ Istoi stulale , kiško sukat da pane jallat vedeh , a minä keriän jäičän mäzrät juodah .
‒ A sit kunnebo ?
‒ Muaskan azun , voidamižen tukkih niškoi . Vie metty ližiän .Sanotah on ylen hyvä , tukat ei ruveta lähtemäh .Eiga roittos plieššipiä .
‒ Minul ei pie ! Minul tukat on lujat .
‒ A sinuu ei ni kyzytä ! Kunnebo sit nengoine tukku einehty , lykättäväkse ?A sinun kidžery tukil roih mieleh .
Gu ei nostua hoppu , Sergii virki :
‒ Nu gu plieššii ei roi , voibi voidua , tänäpäihäi on kylypäivy .
‒ Nu vot mene pane kyly lämmäh , a minä varustan zel’l’an . Kodvazen peräs mollettiloile oldih kiäritty piät vuaropaikoil .Pihal oli ylen räkki siä .Kyly vie lämbii , a nahkua piäs jo vedi tukkuh .Kylys odva sai kiškuo vuaropaikat piälöispäi .Sergiel pidi vuaropaikku da piä kastua , sit äski piä piäzi pestäväkse .Tukat hänel sagiet da net vie kidžerät , pitkättävät .
‒ Peze hyväzesti da putilleh huuhto , sanoin minä .
En tiijä , kui pezi da huuhtoi , ga huondeksel nouzi , pielus tartunuh piäh .Pieluksen minä otin , a pieluspiäline jäi rippumah tukis kiini .
A häigi sanou :
‒ Vot ei olluh plieššii , a nygöi roih .Tulou tukat leikata !
‒ Ei pie leikata ! Panemmo piän ligoh .
‒ Kuibo se ?
‒ Muga !
Minä eistin yhten laučan agjan seinäspäi keskilattiele da sanoin :
‒ Viere laučale sellälleh .Minä tuon pehmien plasmassutuazazen lämmän vienke .Heitä piä tuazah da viru , anna hyväzesti liguou , kuni minä kävyn kaivole , tuon hyviä vetty čuajukse .Piän pestes vien panin lämbiemäh .
‒ Minä täs virun nygöi vai tuohus virittiä da malittuu kuunnella "Sv’atii Boožei ", nagronke sanoi Sekko .
‒ Viru ! Ei sinuu täs ken näi .
Da lähtin viele .
Vera , sinä hänen tiijät , häi suvaiččou juumoran , ellendäy sen .No täl kerdua häi puutui aiga bekettih .Minä vai ehtin lähtie , meile meni Ogašši-buabo .
Sekko saneli :
‒ Häi tuli , a minä virun laučal .Kerras smiknin , midä baboi duumaiččou .Vai ei pidäs händy pöllättiä .Viru kui virut , älä lekuta ni sormii , ni jalgua da älä avua silmii .
Babi rubei pričitoimah :
‒ Avoi-voi mittumua kummua-kukkahastu !Vikse piän puhkannuh , hermot valutah tuazah .Kus In’oi ollou ?
Sih tulin minä vezirenginke da nagronke :
‒ Terveh , Ogašši-buabo !Kačo meile mittustu kummua !
‒ A midäbo sinä vessel ? Ukko laučal , a sinä hörhötät .
‒ Kummu on ! Votgi hörhötän .
Da rubein sanelemah , mis on dielo .A häi vai prižmiy :
‒ Sano , mi rodih Sekonke ?
‒ Mi , mi ! Jäičät mädžähytti !
‒ Kuibo se ? kyzyi babi da huarotti silmät .
‒ Muga ! Enzimäi yhten , a sit toizen .
‒ A millebo mädžähytti ?
‒ Ga jallal ! Yhten yhtel jallal , toizen toizel .
Babil silmät huarottih vie enämbäl .
‒ A piänke mi rodih ?
Sekko ei voinnuh enämbiä tirpua .Rubei nagramah muga , kai laučču rubei häilymäh .
‒ Molodoit , otettogo omas hajus , vai midä ? Sanottogo midä uravoičettokseh ?
Tuli kai sanuo .Ogašši jälgimäi sanoi-kalahutti :
‒ Olgah , kai hyvin !Piä , jäičät ynnälleh , a vakkujäičät… laukku ei pöllästy , ostatto .
Mi pidäy šipaniekkoih , minul on , vaste nevesky toi vakan .
‒ Hyvä ! Minä tulen polgemah !
Kodvan vie hörhötys da vessel pagin meni pertis .
‒ In’a ? A piän voidamistu zel’l’ua viehäi jäi ?!Toinah Ogašši-buabo tahtos tukkien juuret parandua , virki Sergii .
‒ Oi , oi ! Olgua hos minus päivilleh !Minun juuret parandetah kalmužiman puuloin juuret .
Da nagronke ližäi :
‒ Ollou ylen žiäli einehii lykätä , ga , misbo dielo , otan da voijan .Toinahgi Mot’kanuaburi , ystävy voijaldau .
Da ližäi :
‒ Ei kunne mene voidamas !
Jäičät
Livvi
New written Livvic
‒
‒
‒
‒
‒
‒
‒
‒
‒
‒
‒
‒