Texts
Return to list
| edit | delete | Create a new
| Statistics
| ? Help
Irina Komissarova.
Veziaiga
genre: Lyric work
Source:
Oma mua. № 39, 2025, p. 5
Irina Komissarova
Veziaiga
Karelian Proper
New written Tver
Veziaiga – keviäaiga,
Lumi šulau, vezi viey.
Tulou lämmin keviällä,
Kaikkeh rukah hyviin liey.
Veziaiga – lämminaiga,
Linnut tullah, pehmenöy.
Šiät da kiät – vain ana ruaduo,
Elän’dä vain parenou.
Veziaiga – armašaiga,
Armaš hengie kuottelou.
Ei nikunne uiji oža,
Briha tyttyö vuottelou.
Veziaiga – šomaaiga,
Puut i tuhjot veješšä.
Elä tolkui: "Reduo äijä",
Mielet lietäh kunnošša.
Veziaiga – parašaiga,
Konža vielä tädä niät?
Puhaš taivaš, äijä vettä,
Olgupiällä panet kiät.
Veziaiga – kalaaiga,
Panet verkot, tyynissyt.
Elä duumai pahua miel’dä,
Ei niin boiko kygrissyt.
Veziaiga – hyväaiga,
Hyvät mielet tullah piäh.
Ka i složit oman ožan
Vuodeh näh, da edemmäh.
