Texts
Return to review | Return to list
Karjalan tazavallan piämiehen tyves ruadajan Tazavallan sanastokomissien ruado karjalan kielen kehittämizen hyväkse
history
October 30, 2025 in 12:52 Александра Родионова
- created the text
- created the text: Karjalan tazavallan piämiehen tyves ruadai Tazavallan sanastokomissii on terminolougien, oigiehkirjutuksen, paikannimistön kyzymyksii da uvven poliittizen, talovuollizen da muun temuattizen karjalan da vepsänkielizen sanaston luajindua da juurutandua šeikuiččii nevvotteluelin. Vuozinnu 2016-2019 Tazavallan sanastokomissien karjalankielizen ozaston avul on valmistettu karjalan kielen kursiloin opastuskniigoin käzikirjutukset III-IV opastusvuodeh niškoi, ”Karjalan kielen algukursu (lyydin murdehel)”; on luajittu keskiškolan karjalan kielen ezimerkillizien opastusohjelmoin da opastuskniigoin azientiedäjien tarkastus; on kiännetty karjalan kielele eländykohtien viittehet, kul’tuuru-, opastuslaitoksien nimilavvat, kanzallizien Priäžän, Anuksen da Kalevalan piirilöin virrallizet aziibumuagat, Karjalan tazavallan valdivolaitoksien nimet; on kohendettu da tävvendetty vuvvennu 2006 painettu luvettelokniigaine “Eländykohtien nimet ven’an, karjalan, da vepsän kielel”; on luajittu metoudizet kehoitukset karjalan kielen käyttämizes tavaroin nimis, piha- da doroguverkoh kuulujah nimisanastos (uuličoin, prospektoin, kujoloin, juamoin da toizien nimet). Tazavallan sanastokomissien da Keskusvalličuskomissien yhteisruavon hantuzis on kiännetty seinytiijoitusmaterjualat kandiduatois Priäžän, Anuksen, Kalevalan da Onieganrannikon piirin valličuspaikois, kudamis 3.^ tuhukuudu da 8.^ syvyskuudu 2019 piettih valličukset. Täl aigua yhtes Ven’an tiedoakadiemien Karjalan tiedokeskuksen Kielen, literatuuran da histourien instituutanke da Federuallizen kirjalepanon, mualuvettelon da kartanpiirustuksen valdivopalvelun hallindonke Karjalan tazavallas luajitah kohenduksii Valdivollizeh muantiedonimilöin luvetteloh Karjalan tazavallan karjalasperäzien muantiedonimilöin kirjutandas.
- created the text translation