Texts
Return to review | Return to list
Краткая Священная исторiя. Iudeit Vavilonas
history
ноября 11, 2025 in 16:31 Ирина Новак
- created the text
- created the text: Iudeit Vavilonas. Viäry kuningas¦mua Izrailin oli loppiettu Assirijanoil muga, jotta jälles ei voinuh uvvessah azettuo. Suurin puoli rahvastu oli vietetty kiini polonah i levitetty monii mualoi myö. Iudein kuningas¦muan hävitti Vavilonan kuningas Navuhodonosori; Jerusalim oli levitetty, kirikkö oli poltettu, suurin puoli rahvastu oli vietetty Vavilonah. Yhtelleh Jumal ei andanuh hävitä tälle rahvahale, kudaman rodukunnas pidi rodiekseheze muailman Spuasale. Navuhodonosori nägi pahan unen, no ei voinuh ei vai ellendiä, no i muistua sidä undu. Jumal sanoi sen unen Arbuajuniekale Daniilale muga¦gi unes, a häi mustoitti i arbai kuningahale hänen pahan unen, kudai uskaldi nelli kuningastustu, toine toizen jälles, kudamien aigua Jumal azettaa igähizen kuningastuksen. Sendäh Navuhodonosori kiitti oigiedu Jumalua i andoi suuren vallan Daniilale Vavilonan kuningas¦muas. Ananei, Azarei i Misaili, sen Navuhodonosorin käskys, oldih lykätty tulizeh päččih sentäh, jotta ei kumardettuheze kuldaizele valeh¦jumalan kuvale. No Jumal kummasti piästi heidy tervehekse. Sendäh Navuhodonosori uvvessah kiitti oigiedu Jumalua i pani Ananijan, Azarijan i Misailin piälikkö¦miehikse Iudein rahvahan piäl, kudai oli hänen kuningas¦muas. Muga Iudeit, Vavilonas olijat, piästih kuvien kumardukses sen muan piä¦uskos, i sen piäle hyllättih enzimäine sen uskon oma himo. Heijän kaute paganat¦gi vähäzin ruvettih tunnustamah oigiedu Jumalua. Daniilale Jumal, muun välis, sanoi, jotta Hristos tuloo muailmah lopul seiččemen¦kymmen seiččemin, toizin sanuo, ymbäri nellän suan yheksän¦kymmenen vuoden mendyy, jälles Jerusaliman uvvessah luajindan.
- created the text translation