Texts
Return to list | edit | delete | Create a new | Statistics | ? Help
Iisusan elo. Iisus Gefsimanijas
Iisusan elo. Iisus Gefsimanijas
Veps
New written Veps
Konz
lopihe ehtlouna , Iisus läksi ühtes ičeze openikoidenke i astuškanzi Gefsimanijan sadhu Eleonan mägele .Eleonan mägi oli läheli Jerusalimad .Sigä Hän sanui Petrale , Jakovale i Ioannale , mise hö mändaiž Hänen mödhe .Jäl’ges Hän jäti heid i čuražihe , mise loita üksnäze .
Päliči kuverdas-se aigas Hän pördihe kolmen openikannoks , kudamboid Hän pakiči loičmaha .No openikad oliba muga väznuded , mise Iisus löuzi heid jo uindmas .Ninga oli kolmašti – openikad uinoskeliba sil aigal , konz Iisus oli loičmas .
Äkkid hö nägištiba pimedas lämoid .Nece oli üks’ Hänen openikoišpei , Iuda , saldatoidenke i toižid rahvhanke , kudambad tuliba tabadamba Iisusad .Edehko necida aigad Petr sanui , mise hän linneb kaiken ühtes ičeze Opendajanke .No Iisus sanui vastha , mise edel sida aigad , konz kukoi laulaškandeb , Petr kolmašti otab ičeze sanad tagaze .
Iisusan elo. Iisus Gefsimanijas
Veps
New written Veps