Texts
Return to list | edit | delete | Create a new | Statistics | ? Help
Jiesuksen eläntä. Jiesus kassetah. Häntä reisselläh
Jiesuksen eläntä. Jiesus kassetah. Häntä reisselläh
Karelian Proper
New written karelian
Jiesus oli
melkein kolmenkymmenen vuuvven ikähini , konsa hiän rupei tuomah hyvie viestijä Jumalan valtakunnasta ta parantamah läsijie .Ennen ruavon alkamista Jiesus mäni Jordanjovella , missä Iivana Kastaja sano ihmisillä : "Elkyä luatikkua riähkyä , a kiäntykkyä Jumalan puoleh ".Siitä hiän kasto heijät .Jiesus niise halusi suaha kassannan .Iivana , kumpani tunsi siämessäh ken Jiesus oli , vastuali : "Siekö tulet kassettavaksi ?Miunhan pitäy suaha siulta kassanta "!Jiesus sano : "Näin meilä pitäy luatie , jotta täyttäsimä Jumalan sanan ".
Konsa Jiesus oli kassettu , hiän heti nousi vejestä .Siitä heti taivahat avauvuttih ta Jumalan Henki laskeutu kyyhkysen tavalla ta solahti Jiesuksen piällä .Taivahasta kuuli iänen : "Tämä on miun Poikani , kummaista lujasta suvaičen ".
Tämän tapahuksen jälkeh Jiesus mäni elottomah muah .Sielä hiän oli yksinäh ta valmistautu molien ta papiten ielliseh ruatoh .Konsa Jiesus oli papittan nel’läkymmentä päivyä , hänellä tuli nälkä .Silloin Saatana tuli hänen luo ta sano : "Jos kerran olet Jumalan Poika , ni käse , jotta nämä kivet muututtais leiviksi ".No Jiesus vastai : "On kirjutettu : Ei ihmini elä vain leivästä , vain jokahisesta sanasta , kumpani lähtöy Jumalan suusta ".
Vielä toisen kerran Saatana koitti suaha Jiesuksen luatimah hänen mukah , onnakko Jiesus ei halun .Lopuksi hiän lupai Jiesuksella muailman kaikki valtakunnat ta niijen rikkahutet , jos Jieisus laskeutuis polvillah hänen eteh .Silloin Jiesus käski männä Saatanan pois sanojen , jotta hiän haluou palvella ta kunnijoittua vain Jumalua .Tämän jälkeh hiän jätti Jiesuksen rauhah .Jiesuksen luo tuli anhelija , kumpaset pijettih hänestä huolta .
Jiesuksen eläntä. Jiesus kassetah. Häntä reisselläh
Karelian Proper
New written karelian