Texts
Return to list | edit | delete | Create a new | Statistics | ? Help
Jiesuksen eläntä. Tuhluajapoika
Jiesuksen eläntä. Tuhluajapoika
Karelian Proper
New written karelian
Jiesus saneli niise peittopakinan tuhluajapoijasta : Yhellä
miehellä oli kaksi poikua .Kun poijat kasvettih suureksi ta tultih ruavahiksi , nuorempi poika sano tuatollah : "Tuatto , anna miula omani osani ".Tuatto ruato niin , kun poika halusi .Hiän jako elot ta anto poijalla omah osah .
Elojen javosta ei männyn monta päivyä , kun nuorempi poika keräi kaikki omah osah ta läksi pois koista loittoseh muah .Vierahassa muassa poika alko tuhlata eloja ta elyä pahua elämyä .Näin hiän eli , kuni oli tuhlannun kaikki elot .Kun poika sielä köyhty , ni tuli nälänhätä siih muah , missä hiän eli .Poijallaki ei ollun enämpi ruokua .Siitä hiän kysy työtä erähyältä ihmiseltä .Sillä miehellä oli muatila , ta hiän työnsi poijan paimentamah sikoja .Poijalla oli niin nälkä , jotta hiän halusi syyvvä sikojen ruokua , onnakko sitäki hänellä ei annettu .Poika alko tuumaija : "Tuattoni jätkillä on riittävästi leipyä , a mie kuolen tiälä nälkäh !Nyt mie lähen kotih , ta kysyn tuatolta proskenjua ".Niin hiän läksi tuäton luo .
Kun poika oli vielä etähänä , tuatto näki poijan ta hänellä tuli suali .Hiän juoksi poijalla vastah ta sepäsi hänen .Poika sano tuatollah : "Tuatto , mie olen luatin riähkyä ta olen viärä Jumalan ta siun iessäs .En ole enämpyä sen arvoni , jotta milma kučuttais poijakses .Ota milma jätkäkses joukkoh "!
Onnakko tuatto käski jätkillä eččie poijalla parahat vuattiet ta valmistua pruasniekan poijan jälellähtulon kunnijaksi .Niin alko vesselä juhla , kun tuatto sai poijan kotih .
Tällä peittopakinalla Jiesus halusi näyttyä , jotta Taivallan Tuatolla on hyvä mieli jokahisesta riähkähisestä , kumpani kiäntyy hänen puoleh .
Jiesuksen eläntä. Tuhluajapoika
Karelian Proper
New written karelian