Texts
Return to list | edit | delete | Create a new | Statistics | ? Help
Jiesuksen eläntä. Peittopakina kylväjästä
Jiesuksen eläntä. Peittopakina kylväjästä
Karelian Proper
New written karelian
Kerran
, kun suuri joukko ihmisie keräyty kuuntelomah Jiesusta , hiän saneli heilä peittopakinan kylväjästä .
Yksi mies läksi kylvämäh .Ta kun hiän kylvi , osa siemenistä mäni tien kylkeh .Siihe paikkah lennettih linnut ta n’okittih jyvät .Osa siemenistä mäni kallivopaikkah , missä ei ollun äijä multua .Ne nostih teräväh orahalla , kun multua ei ollun syvältä .Ta kun päivä paisto lujasta , orahat kuivettih , kun heilä ei ollun juurta .Osa siemenistä lankei vesiheinäh ta ne kasvettih ta vallattih orahan .Onnakko osa jyvistä lankei hyväh muah ta hyö kasvettih hyvin .Yksi anto sata jyvyä , toini kuusikymmentä , kolmas kolmekymmentä .
Siitä Jiesus juohatti peittopakinan opastujillah : Aina on kennih kuulou pakinan Jumalan valtakunnasta eikä malta sitä , tulou paholaini ta sieppuau pois sen , mitä sen ihmisen siämeh on kylvetty .Tätä tarkottau tien kylkeh kylvetty siemen .Kylvö kallivopaikkah kuvuau semmosta ihmistä , kumpani sanan kuullessah ottau sen heti hyvällä mielellä vastah , onnakko kun sen täh tulou vaikehuksie ni hiän enempyä ei uso , kun hänellä ei ole juurta .Kylvö vesiheinäh tarkottau ihmistä , kumpani kuulou sanan , onnakko sana ei tuo ihmisellä nimitä , sillä tämän muailman huolet ta rikkahuten houkutus sammuttau sen .
A kylvö hyväh muah kuvuau ihmisijä , kumpaset kuullah sanan ta maltetah sen .Nämä ihmiset säilytetäh Jumalan sanan rakkahalla siämellä ta hyö suahah , kumpaset sata , kumpaset kuusikymmentä , kumpaset kolmekymmentä jyvyä .
Jiesuksen eläntä. Peittopakina kylväjästä
Karelian Proper
New written karelian