Texts
Return to list | edit | delete | Create a new | Statistics | ? Help
Jiesuksen eläntä. Jiesus parentau hulvannuon miehen
Jiesuksen eläntä. Jiesus parentau hulvannuon miehen
Karelian Proper
New written karelian
Kun
Jiesus oli opastamassa Kapernaumin linnassa , taloh , missä hiän makai , keräyty äijä rahvasta kuuntelomah .Kuuntelijie tuli etähyäti , aina Jerusalimista suati .Jumalan väki vaikutti ta Jiesus parenti läsijät .
Paikalla tuli miehie , kumpaset kannettih hulvannutta sijalla .Hyö haluttih tuuvva miehen pirttih ta panna sen Jiesuksen eteh .Rahvasta oli onnakko niin äijä , jotta hyö ei piästy siämeh .Siitä hyö noustih kivitalon piällä , riičittih katto ta lasettih läsijä sijan kera Jiesuksen eteh .
Nähtyö heijän uskon Jiesus sano hulvannuolla : "Siun riähät prostitah siula ".Rahvahan kesessä oli juutalaisijen uskonnollisie herroja .Jiesuksen sanat kuullessah hyö smietittih : "Hiän liikuttau pahasti Jumalua , kun puajiu noin .Kenkä se muu , kuin Jumala voit prostie riähät "?
Jiesus tiesi mitä hyö tuumaitih , ta sano heilä : "Kumpani on helpompi sanuo hulvannuolla : Siun riähät on prostittu , vai sanuo : Nouse ta assu ?Onnakko , jotta työ tietäsijä , jotta miula , Ihmisen Poijalla , on valta prostie riähät muan piällä – hiän puaji nyt halvannuolla – Mie sanon siula : Nouse , ota sijas ta mäne kotihes "!
Heti mies nousi nähen jaloillah , otti sijan , millä oli muannun , ta läksi kotih sanoen passipot Jumalalla .Kaikki ihmeteltih ta ylissettih Jumalua ."Myö olemma tänäpiänä nähnyn semmoista , mihi ei voi toveksi uskuo ", hyö sanottih .
Jiesuksen eläntä. Jiesus parentau hulvannuon miehen
Karelian Proper
New written karelian