Texts
Return to list | edit | delete | Create a new | Statistics | ? Help
Jiesuksen eläntä. Viisi leipyä ta kaksi kalua
Jiesuksen eläntä. Viisi leipyä ta kaksi kalua
Karelian Proper
New written karelian
Kerran
Jiesus mäni venehellä yksinäiseh paikkah Galilejanjärven toisella puolella .Onnakko ihmiset suatih tietyä , kunne Jiesus oli mänössä ta äijä rahvasta läksi hänellä peräh muata myöten .Kun Jiesus tuli perillä , suuri joukko rahvasta oli jo vuottamassa häntä .Jiesuksella tuli heitä suali ta hiän parenti kaikki läsijät .
No sillä mualla ei ollun eläjie , alko hämärtyö ta ihmisillä tuli nälkä .
Niin Jiesus kysy opastujalta Hilipältä : "Mistä voisima ostua leipyä , jotta ihmiset suatais syyvvä "?Kysymyksellä Jiesus kuoitteli Hilippyä , kun hiän tiesi mitä halusi ruatua .
Hilippä ei tietän vassata Jiesuksella .Hiän ei voinun mahtua , mistä vois löytyä leipyä näin suurella joukolla .
Toini opastuja , Pietarin velli Ontrei , sano Jiesuksella : "Tiälä on poika , kumpasella on viisi osraleipyä ta kaksi kalua .No sehä ei riitä noin suurella joukolla ".
Jiesus sano : "Käskekkyä kaikkie istumah ".Siinä oli hyvä nurmi ta ihmiset istuuvuttih .Jiesus otti ne viisi leipyä ta kaksi kalua , moli Jumalua ta jako leivät ta kalat opastujilla .Nämä juattih siitä ne ihmisillä .
Kaikki syötih kylläseksi ta vielä jiänyistä palasista kerättih kaksitoista täyttä vakkua .Syömässä oli melko viisituhatta miestä ta lisäksi naisie ta lapsie .
Nähtyö tämän imehruavon ihmiset sanottih : "Tämä on tovella se Jumalan sananviejä , kumpasen oli miärä tulla muailmah ".
Jiesuksen eläntä. Viisi leipyä ta kaksi kalua
Karelian Proper
New written karelian