Texts
Return to list | edit | delete | Create a new | Statistics | ? Help
Jiesuksen eläntä. Jiesus nostau Jairuksen tyttären kuolennasta
Jiesuksen eläntä. Jiesus nostau Jairuksen tyttären kuolennasta
Karelian Proper
New written karelian
Eryähän kokohuspirtin piämiehellä , Jairuksella , oli
yksi ainuo tytär .Kahentoista vuuvven ikäsenä tytär läsiyty lujasta .Siitä hänen tuatto läksi eččimäh Jiesusta , kumpasesta oli kuullun äijän .
Kun Jairus lopuksi löysi Jiesuksen rannalta , suuri joukko oli hänen ympärillä .Jairus mäni Jiesuksen luo , kumarti hänen jalkoih ta pyyti kovasti , jotta Jiesus tulis ta parentais hänen tyttäreh .
Niin Jiesus läksi Jairuksen kera ta suuri väkijoukko tuli hänellä peräh .Matka kävi hil’l’akkaiseh ta ennen kun hyö kerittih perillä , Jairuksella tuotih viesti : "Tyttäres jo kuoli .Elä vaivua opastajua ".Kun Jiesus kuuli nämä sanat , hiän sano Jairuksella : "Elä varaja , vain uso "!
Kun Jiesus tuli piämiehen pirttih , hiän näki äijä rahvasta , ket itettih ta valitettih tyttären kuolemua .Jiesus sano heilä : "Elkyä itkekkyä !Ei hiän ole kuollun , vain makuau ".Ihmiset nakrettih häntä , konsa hyö tiijettih , jotta tytär on kuollun .
Jiesus toimitti kaikki ihmiset ulos , mäni lapsen tuaton , muamon , Pietarin , Juakon ta Iivanan kera lapsen luo .Hiän otti lasta kiästä ta sano hänellä : "Tyttö , nouse "!
Siitä henki tuli jäl’elläh tyttöh ta hiän nousi jaloillah ta läksi kävelömäh .Jiesus käski antua hänellä syyvvä .
Ket nähtih tämän imehruavon , oltih kovuan hämmästyksissä .
Jiesuksen eläntä. Jiesus nostau Jairuksen tyttären kuolennasta
Karelian Proper
New written karelian