Texts
Return to list | edit | delete | Create a new | Statistics | ? Help
Jiesuksen eläntä. Jiesus eläy
Jiesuksen eläntä. Jiesus eläy
Karelian Proper
New written karelian
Illalla
tuli paikalla Ossippa , elokas arimatialaini , kumpani niise oli Jiesuksen opastuja .Hiän mäni Pilatuksen luo ta kysy Jiesuksen ruumista .Pilatus käski sotilahilla kaččuo , onko Jiesus jo kuollun .Kun nähtih hänet kuolluoksi , ni annettih Ossipalla .Hiän hautasi Jiesuksen kallivohautah , kumpasen oli hakkauttan ičelläh lässä Jerusalimie .Hauvan suulla vieretettih suuri kivi .Tämä päivä oli piätinčä .
Suovatta oli juutalaisien lepopäivä , eikä niketä Jiesuksen lähimmäisistä männyn hauvalla .No aivoseh pyhänpäivän huomeneksella Magdalan kylän eläjä Muarie , kumpasesta Jiesus oli ajattan seiččemen pahua henkie , tuli hauvalla .Sielä hiän näki , jotta kivi , kumpani on ollun hauvan suussa , oli otettu pois .
Muarie seiso hauvan ulkopuolella ta itki .Itkiessäh hiän kačahti kallivon siämeh ta näki , jotta siinä , missä Jiesuksen ruumis oli ollun , istu kaksi anhelie valkeissa vuatteissa .Anhelit sanottih : "Mintäh itet "?Muarie vastai : "Miun opastajani on viety pois , enkä tiijä , kunne hänet on pantu ".Tämän sanottuo Muarie kiänty ta näki , jotta Jiesus seisou hänen takana , onnakko hiän ei malttan , jotta se oli Jiesus ."Tiijätkö sie , kunne Jiesus on viety "? – Muarie kysy . Siitä Jiesus sano hänellä : "Muarie ".Silloin vasta Muarie tunsi Jiesuksen ."Opastaja "! – hiän karjahti .
Jiesus käski Muariella viijä sanua toisilla , jotta hiän on noussun kuolijoista .Niin Muarie juoksi opastujien luo ta sano : "Mie olen nähnyn Opastajan !Hiän eläy "!
Jiesuksen eläntä. Jiesus eläy
Karelian Proper
New written karelian