Texts
Return to list | edit | delete | Create a new | Statistics | ? Help
Iisusan eländä. Arvautušpagina kylväjäh näh
Iisusan eländä. Arvautušpagina kylväjäh näh
Karelian Proper
New written Tver
Kerran
, kun šuuri arteli inehmizie keräydy kuundelemah Iisusua , hiän šaneli heilä arvautušpaginan kylväjäh näh .
Yksi mieš läksi kylvämäh .I kuin hiän kylvi , yhet jyvät langettih dorogavieroh .Ših lennettih linnut da n’okittih jyvät .Erähät siemenistä langettih kiviköllä , missä ei ollun šyväldi muada .Ne vihahettih väliän orahalla , kun muada oli vähä .Da kun päiväne paisto ägiešti , orahat kuivettih , kun heilä ei ollun juurie .Muuvennet siemenistä ugodittih ohtahikkoh , že kažvo da läpehytti orahat .Kudakumbazet jyvistä langettih hyväh muah , da ne kažvettih hyviin .Yksi ando šadan jyviä , toine kuužikymmendä , kolmaš kolmekymmendä .
Šidä Iisus tolkuičči arvautušpaginan opaššettavilla : Aivis kun ken kuulov paginua Jumalan valdakundah näh da ei malta šidä , tulov pahaččane i kiskov pois’ , midä on žen inehmizen šiämeh kylvetty .Tädä ožuttav dorogavieroh kylvetty siemen .Kylvö kiviköllä on žemmuozeh inehmizeh näh , kumbane kuulov šanan , ottav žen kerdah hyvällä mieliin , a kun oih varoin tulov vaivua , nin ših i loppiečov hänen viero , kun hänellä ei ole juurie .Kylvö ohtahikkoh ožuttav inehmistä , kumbane kuulov šanan , vain tämä šana ei tuo inehmizella nimidä , žentän kun tämän muailman huolet da ajuačenda bohastvah tupehutetah žen .
A kylvö huväh muah koškuv ihehmizie , kumbazet kuullah šanan da otetah mieleh .Nämä inehmizet šäilytetäh Jumalan šanan pehmiellä šiämellä , da tulov heilä kellä šada , kellä kuužikymmendä , kellä kolmekymmendä jyviä .
Iisusan eländä. Arvautušpagina kylväjäh näh
Karelian Proper
New written Tver