Texts
Return to list | edit | delete | Create a new | Statistics | ? Help
Iisusan eländä. Iisus piäštäv hermottomua
Iisusan eländä. Iisus piäštäv hermottomua
Karelian Proper
New written Tver
Kun
Iisus oli opaštamašša Kapernauman linnašša , taloh , missä hiän magai , keräydy rahvašta kuundelemah .Kuundelijua tuli edähädä , äššen Jerusalimašta šuaten .Jumalan vägi autto , da Iisus piäšti läzijie .
Ših koh tuldih miehet , kumbazet kannettih hermottomua postelilla .Hyö tahottih tuvva mieštä pertih da panna händä Iisusan edeh .Vain rahvašta oli niin äijä , jotto hyö ei piäšty šiämeh .Šilloin hyö nouštih kivizen talon piällä , luajittih katokšeh loukon da laškiettih läzijän postelilla Iisusan edeh .Nägi Iisus hiän uššonnan , šano hermottomalla : "Laškiettu šiun riähät šiula ".Rahvahan keššeššä oli jevreilöin vieron miehie .Kuuluštahuoh Iisusan šanat , hyö duumaidih : "Hiän nagratteliečov Jumalašta ymbäri , kun pagizov tuah rukah .Ken muu voiččov prostie riähät , kun vain Jumala ".
Iisus tieži , midä hyö piettih mieleššä , da šano heilä : "Midä on kebiembi šanuo hermottomalla : Šiun riähät prostittu , ali šanuo : Nouže da kävele ?A na työ tiijuššatta , jotto miula , Inehmizen Poijalla , on valda prostie riähät muan piällä " – hiän kiändy nyt niistieh päin – "šiula mie šanon : Nouže , ota omaš posteli da mäne kodihize "!
Šilloin mieš kaikin šilmissä nouzi jalloilleh , otti postelin , millä oli venynnyn , da läksi kodihize hyvittiän Jumalua .Kaikin diivuidih i sluavittih Jumalua ."Myö olemma tämpiänä nähnyn žemmuost’a , mih ei voiččiis’ vierie toveštah ", – hyö šanottih .
Iisusan eländä. Iisus piäštäv hermottomua
Karelian Proper
New written Tver