Texts
Return to list | edit | delete | Create a new | Statistics | ? Help
Trifojev Viktor . Jättud loputa rivi
Trifojev Viktor
Jättud loputa rivi
Veps
New written Veps
Jättud
loputa runos om rivi ...
Vai jo väged-ki sihe ei jänd ?
Kadoi mastaril tervhuz’ jo siloi ,
Vai hän abud-ki meišpäi ei sand ?
"Algat värnikaks lugekoi mindai ,
Jüged el’geta , teghe mi öl ...
I ku eläda kezhasai en voi ,
Kurgen pajol mä pördamoi völ ".
Jättud loputa runos om rivi ,
Vajeh jäl’gmäine om taivhas jo ...
Runomastarin kirjad om rindal ,
Runomelid-ki saim äjan mö ...
Hänen kodimas i hänen küläs ,
Tehtud oli hašk ezmäine kus ,
Runosuugil kus lendi hän ülöz ,
Sündui kodimal runo-ki uz’ .
Kut han navedi ajada tänna ,
Otta korvihe paginan än’ ,
Ved’ se laps’aigan hengehe männu ,
Maman maidonke kel’ tulnu läm’ .
Niihe vaihiže čudvägi tuli ,
Joga vajeh ol’ pohjatoi täs ,
Vepsän kodiman heng sihe suli ,
Joga vaihes sid’ väged om täuz’ .
Rivi loputa runos om jättud ,
Kadoi ühtnägoi se elonnit’ ...
Runomastarin heng taivhas vändab ,
Tähthan kartte se migutab sid’ .
Meiden südäimiš lämoin se eläb ,
Kuti kucund se rahvhale om ,
Oigendab oiktale tele ,
Sille kumardust ühtes mö tom .
Jättud loputa rivi
Veps
New written Veps