Texts
Return to list | edit | delete | Create a new | Statistics | ? Help
Psaltiri, Biblii. 4. Psalmu
Psaltiri, Biblii. 4. Psalmu
Livvi
New written Livvic
(1) Pajojoukon
ohjuajale . Kielisittimil .Davidan psalmu .
(2) Konzu minä kirrun ,
kuule minuu , minun oigeimieline Jumal !
Ahtahas Sinä annoit minule välliä .
Armahta minuu , kuundele minun malittuu !
(3) Rahvas , viego hätken piettö minun kunnivuo huigiennu ?
Hätkengo vie suvaičetto tyhjii paginoi da kielastustu ?
(4) Tiedäkkiä : Ižändy eroittau Ičelleh
Oman pyhän ristikanzan .
Ižändy kuulou , konzu minä kirrun Händy .
(5) Suuttuhuu älgiä luadikkua riähkiä !
Duumaikkua tädä syväimes magavosijale mendyy
i olgah vaikkani .
(6) Tuogua Jumalale kuulujat verhat
da uskokkua Ižändäh .
(7) Äijät sanotah : "Ken luadiu meile hyvytty ?
Ižändy , ozuta meile Sinun silmien valgei !"
(8) Sinä täytit minun syväimen suurembal ilol ,
migu heil on iluo vil'l'an , viinan da voin kyllyös .
(9) Rauhas vieren muate da maguan ,
gu vai Sinä yksi , Ižändy , olet minun suojannu elaijas .
Psaltiri, Biblii. 4. Psalmu
Livvi
New written Livvic