Texts
Return to list | edit | delete | Create a new | Statistics | ? Help
L’ubov’ Baltazar. Älä eglästy itke
L’ubov’ Baltazar
Älä eglästy itke
Livvi
New written Livvic
Kenen
kartočku seinäl puukehykses vanhas ,
Eigo olis jo aigu peittoh taemba panna ?
Kunnei pane , ei auta , hyö ei lähtietä muijal ,
Omis seinis on hoivu , kodii ei pie muudu .
Omat armahat henget rinnal eletäh ainos ,
Meidy auttamah tänne tullah ammuzis aijois .
Konzu pakkaine išköy – yö särähtäh pimei ,
Karzin annaldau ilmua , viluu , talvistu ihan .
Hieno tuohuksen tuli yläh läimähtäh korgiel ,
Lämmin hengähtys pehmei lendäy päčilpäi orrel .
Kuuluu – loškahtah uksi , tunduu – silittäy käzi ,
Tiijän – en ole yksin , hos ni silmäl en näe .
Muite kuulen dai tunnen , kaiken ellendän , kyzyn ,
Muga varaittau toiči , hengis odva vai pyzyn .
Vastuan mielis , dai buitegu kuulen jo iändy ,
Rubieu ulvomah tuuli , veräi sellälleh kiändyy .
Eule tulijua muudu , tiijän – kai ollah omat ,
Omat armahat , tervehet , čomat da nuoret .
Mielis sanelen , kyzyn , midä vastatah , vuotan ,
Joga sanazen-mielen ihan tozissah otan .
Tozipaginas päiväl peril et piäze ainos ,
Vaigu pimies , nenga , midä vastatah , arbuat ...
Älä eglästy itke , älä huomistu vuota ,
Tämä parahin päivy vastah putilleh ota .
Älä eglästy itke
Livvi
New written Livvic