Texts
Return to list | edit | delete | Create a new | Statistics | ? Help
L’ubov’ Baltazar. Kelloine
L’ubov’ Baltazar
Kelloine
Livvi
New written Livvic
Vanhu
da ruostunuh , pordahien seinäl
Kelloine rippuu .Se oli lehmän ,
Kirjavan lehmän pajo dai paimoi .
Ei ole lehmiä tanhuos ammui .
Suuttunou tuuli – komahtah lattiel ,
Palazen vieröy , helähtäh kieli –
Ei pie nikelle , ei pie nikelle ...
Uvvessah hätkekse vaikastuu kello .
Himoittas kellozel nurmele kävvä ,
Himoittas lehmänke lämmäzeh liäväh ,
Eläväh rindah villazeh painuo ...
Vaikkaine viruu , ei kuulu pajuo .
Harvazeh yöksyy päiväzen säjeh ,
Kačahtah kellozen syväimeh syväh .
Toinah vie lövvytäh ruadajat käet ,
Mi olis hyvä , mi olis hyvä ...
Kelloine
Livvi
New written Livvic