Texts
Return to list | edit | delete | Create a new | Statistics | ? Help
Ol’ga Žukova. Koir da minun alaine
Ol’ga Žukova
Koir da minun alaine
Veps
New written Veps
Minä
läksin irdale , varastan , konz mamoi sobitab noremban sizaren .Tatoi jo sai irdale meiden rusttad reguded .Seištes pordhidenno nägištin tutaban koiran .Nece om Tarzoi – sur’ hüvä koir ,se navedib lapsid i andab ičtaze silitada .
– Tarzoi , Tarzoi , – heikan minä ihastusiš .
Koir kulišti i tuli minunnoks .Minä heitin alaižen ühtes kädespäi , ladin kosketada koirad , silitada pädme , no äkkid koir fatib necen alaižen toižes kädespäi i pageneb joksti .
– Tarzoi , midäk sinä , anda alaine !
No koir ei kundle mindai , jokseb i jokseb .Ninga pageni-ki .
Minei mugoine abid tegihe , eskai kündal’kur kurkhu libui , i sil’mäd kündlestihe .
– Midä tegihe ? – küzub lähtnu irdale mamoi .
– Ka Tarzoi oti minun alaižen . Minä pidin händast hüväks koiraks i sebranikaks , a hän muga tegi .
– Ala väriže , – sanub mamoi , – ved’ koir vaiše vändi sinunke . Hän ei tahtoind abidoitta .A otta midä-ni koiran suspäi ei tarbiž , ved’ koir om koir – ed teda , mi om sen meles , haukaidab da völ pöl’gästoitab .
Joksnu koiran jäl’ghe tatoi toi minun alaižen i andoi minei .Mö tönduim .Mamoi veb meid päivkodihe .Noremb sizar ajab reguziš , a minä astun sireti i meletan koiras .
Koir da minun alaine
Veps
New written Veps