Error:
Недостаточно прав на выполнение этой операции
Texts
Return to list | edit | delete | Create a new | Statistics | ? Help
L’ubov’ Baltazar. Pitkiä igiä julguamol!
L’ubov’ Baltazar
Pitkiä igiä julguamol!
Livvi
New written Livvic
Kolmekymmenviizi vuottu
Voibi lehti kädeh ottua ,
Kaikkien kandurahvahien mielet
Voibi sanuo omal kielel .
Lehtimiehil jygei ruado –
Ei vai kirjutustu luadie .
Kylih lugijoingi edeh
Tieduo , kirjua hyö vietäh .
Hos on kieli kohendettu ,
Opastustu sovitettu ,
Harvas kolkas oman muan
Kuuluu kieli karjalan .
Ruaduo pandu keriämizeh ,
Tutkimizeh , kiändämizeh .
Tallel pandu pajot , n’erot ,
Maltandat dai tiijot hienot .
Varua äijy menetetty ,
Abuu kielel oijendettu .
Paha vai , ku harvu lapsi
Nygöi maltau karjalakse .
Mindäh , rahvas , mindäh nygöi
Oman kielen lehtet hylgäit ?
Kieldy omua eigo pie ,
Aigu kaikkineh sen viey .
Eule kielien välis ahtas
Loppuu kieli – loppuu rahvas !
Suurien keskes ihan terväh
Omat lehtet tuuleh mennäh ...
Paista ven’akse on kebjei ,
Olis sanuo muamal egläi –
Ei pie kieldy , emmo malta ,
Emmo rubie , emmo tahto ...
Abei uskuo , kibei tiediä ,
Mi on jygei tyhjiä vediä .
Lehten kauti omua n’eruo
Juakkah nuorižole miero .
Buabo lastu opastakkah ,
Nuori vanhua arvostakkah
Kunnivoikkah , viehäi eläy
Rahvahaspäi nossuh kieli !
Joga kohtu bohatukkah ,
Kallis n’ero havačukkah .
Uuttu sanua , runuo , pajuo ,
Omua arvuo joga ruavol !
Pitkiä igiä julguamol ,
Ruadajil dai lugijoil !
Pitkiä igiä julguamol!
Livvi
New written Livvic