Texts
Return to list | edit | delete | Create a new | Statistics | ? Help
L’ubov’ Baltazar. Kezäpäivy
L’ubov’ Baltazar
Kezäpäivy
Livvi
New written Livvic
Kezäaigu
kaikis paras
Lämmin tuuli , kirkas taivas .
Uidamas da kalastamas
Päivy menöy jogirannas .
Rannal minuu koiru vuottau ,
Vilu vezi räken ottau .
Toiči uijammogi kahtei
Vardoiččou , nikunn’ei lähte .
Kačon vedeh sillan laijas ,
Kalaine jo ongiruagas
Joven pohjas čomat kivet
Harmuat , valgiet , ruskiet , siliet .
Kodih juoksen jallat pölys ,
Vie gu marjua matkal löydys
Päivypastos mandžoi kazvau ,
Kezän magiet meččy andau .
Tuatto tulou vastah rannas
Pezevymäh ruavon jälles .
Seizommo vie sillal kodvan ,
Hämärdämäh rubieu odva .
Lämmin , hil’l’aine da poudu
Valgei yö on ildu rounu !
Virduau jogi , muatah rahvas
Kai on hyvin , kai on rauhas ...
Kezäpäivy
Livvi
New written Livvic