VepKar :: Texts

Texts

Return to list | edit | delete | Create a new | Statistics | ? Help

Apostoloiden tegod (3:11-26). Kut Jerusalimha sündui uskondkund. Petran pagin pühäkodiš

corpus: Biblical texts

Source:
Uz' zavet, 2006, p. 272-273
Apostoloiden tegod. 3.

Деяния апостолов. Глава 3. Библия (Синодальный перевод).

Apostoloiden tegod (3:11-26). Kut Jerusalimha sündui uskondkund. Petran pagin pühäkodiš

Veps
New written Veps
11Ku tervehtunu rambičii pidelihe Petranke i Joannanke, ka rahvaz čududelden joksi heidennoks sihe sijaha, kudamb kuctas Solomonan pacazgalerejaks.

12Necen nägištades Petr zavodi pagišta rahvahale: "Izrail'aižed, mikš tö čududeletoiš? Mikš tö kacut meihe, kuti mö iče ičemoi vägel vai jumalahižel elol lendim necen mehen jaugoile?

13Ei muga! Avraaman, Isakan i Jakovan Jumal, meiden tatoiden Jumal, om ülenzoitnu ičeze Poigan Iisusan. Tö andoit händast sudale, i kärauzitoiš hänehe sel'gin Pilatan edes, konz Pilat tahtoi pästta händast valdale.

14Tö kärauzitoiš sel'gin hänehe, kudamb oli pühä i tozioiged, a iče pakičit pästta valdale rikojan.

15Elon pämehen tö surmičit! No Jumal eläbzoiti händast kollijoišpäi, mö olem sen todištajad.

16Ku nece mez' uskoi Iisusan nimehe, ka se nimi andoi väged necile mehele, kudamban tö näget i tundet. Uskond, kudamban Iisus andab, tegi necen mehen tervheks kaikiden teiden sil'miš.

17Ka minä tedan, velled, miše tö i teiden pämehed tedmata olet tehnuded necen.

18No Jumal muga tegi-ki sen, min oli edel sanunu kaikiden ičeze sanankandajiden sul: Messiale tarbiž tirpta mokid i kolda.

19Sen täht käraukatoiš grähkišpäi Jumalaha, miše teiden grähkäd pühkižihe

20i Ižand andaiži teile hüvän aigan i oigendaiži jo edelpäi Iisusan — teiden täht valitud Messian.

21Hänele pidab olda taivhas sihe aighasai, konz kaik pandas ičeze sijale, muga kut Jumal amuižiš aigoišpäi om sanelnu ičeze kaikiden pühiden sanankandajiden kal't.

22Moisei om sanunu ezitatoile: ‘Ižand, teiden Jumal, libutab teile teiden rahvahaspäi sanankandajan, minun karččen. Kundelkat händast kaikes, midä hän teile sanub.

23Kaikutte, ken ei kundle necidä sanankandajad, nütkäitas juridenke rahvahaspäi’.

24Mugažo kaik Jumalan sanankandajad, kuverdan heid pagiži-ki rahvahale, Samuilaspäi i jäl'ges händast, oma endustanuded nene päiväd.

25Tö olet sanankandajiden i sen kožmusen lapsed, kudamban om tehnu Jumal teiden tatoidenke. Hän saneli Avraamale: ‘Sinun hibjan semnuden kal't minä blahoslovin kaik mehiden heimod täl mal’.

26Jumal eläbzoiti ičeze Poigan Iisusan kollijoišpäi i ezmäi oigenzi händast blahoslovimha teid kaikid, kärauten kaikuččen teišpäi teiden pahoiš tegoišpäi".

Деяния апостолов (3:11-26)

Russian
11И как исцеленный хромой не отходил от Петра и Иоанна, то весь народ в изумлении сбежался к ним в притвор, называемый Соломонов.

12Увидев это, Петр сказал народу: мужи Израильские! что дивитесь сему, или что смотрите на нас, как будто бы мы своею силою или благочестием сделали то, что он ходит?

13Бог Авраама и Исаака и Иакова, Бог отцов наших, прославил Сына Своего Иисуса, Которого вы предали и от Которого отреклись перед лицом Пилата, когда он полагал освободить Его.

14Но вы от Святого и Праведного отреклись, и просили даровать вам человека убийцу,

15а Начальника жизни убили. Сего Бог воскресил из мертвых, чему мы свидетели.

16И ради веры во имя Его, имя Его укрепило сего, которого вы видите и знаете, и вера, которая от Него, даровала ему исцеление сие перед всеми вами.

17Впрочем я знаю, братия, что вы, как и начальники ваши, сделали это по неведению;

18Бог же, как предвозвестил устами всех Своих пророков пострадать Христу, так и исполнил.

19Итак покайтесь и обратитесь, чтобы загладились грехи ваши,

20да придут времена отрады от лица Господа, и да пошлет Он предназначенного вам Иисуса Христа,

21Которого небо должно было принять до времен совершения всего, что говорил Бог устами всех святых Своих пророков от века.

22Моисей сказал отцам: Господь Бог ваш воздвигнет вам из братьев ваших Пророка, как меня, слушайтесь Его во всем, что Он ни будет говорить вам;

23и будет, что всякая душа, которая не послушает Пророка того, истребится из народа.

24И все пророки, от Самуила и после него, сколько их ни говорили, также предвозвестили дни сии.

25Вы сыны пророков и завета, который завещевал Бог отцам вашим, говоря Аврааму: и в семени твоем благословятся все племена земные.

26Бог, воскресив Сына Своего Иисуса, к вам первым послал Его благословить вас, отвращая каждого от злых дел ваших.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages