Texts
Return to list | edit | delete | Create a new | Statistics | ? Help
Apostoloiden tegod (5:1-11). Kut Jerusalimha sündui uskondkund. Anania i Sapfira
Apostoloiden tegod (5:1-11). Kut Jerusalimha sündui uskondkund. Anania i Sapfira
Veps
New written Veps
1Eraz
mez' , kudamb kuctihe Anania , möi ičeze akanke Sapfiranke palan mad ,
2no ühten palan dengoišpäi jäti ičeleze , i hänen ak tezi necen . Toižed dengad hän toi i pani apostoloiden jaugoihe .
3No Petr sanui : "Anania , mikš andoid ičeiž südäimen sotonan valdha i kelastid Pühäle Hengele , jätid ičeleiž palan mödud man dengoišpäi ?
4Ved' nece ma oli sinun , konz völ ed olend mönu sidä , i sinun oliba dengad-ki , konz sen möid . Kut sinei tuli mel'he tehta muga ?Ved' sinä ed mehile kelastand , a Jumalale ".
5Kuldes nene sanad , Anania koli i lanksi maha . Kaik , ked kulištiba siš , lujas pöl'gästuiba .
6Sid' tuliba nored mehed , käriba Ananian hibjan , veiba sigäpäi i paniba maha .
7Časud koume möhemba tuli Ananian ak , kudamb ei tedand , mi oli tehnus .
8Petr küzui hänel : "Sanu minei , mugoižes-ik arvos tö möit manpalan "? "Ka ," sanui hän , "mugoižes ".
9Petr sanui hänele : "Kut tö laditoiš manitada Ižandan Henged ! Kacu uksiš oma mehed , ked paniba maha sinun mužikan . Hö veba täspäi sindai-ki ".
10Ühtnägoi ak lanksi Petran jaugoihe i koli . Nored mehed tuliba i nägištiba händast kollijan . Hö veiba händast täspäi i paniba maha mužikan rindale .
11Nece lujas pöl'gästoiti kaiken uskondkundan i kaikid , ked kulištiba neciš .
Apostoloiden tegod (5:1-11). Kut Jerusalimha sündui uskondkund. Anania i Sapfira
Veps
New written Veps