Texts
Return to list | edit | delete | Create a new | Statistics | ? Help
Apostoloiden tegod (6:1-7). Kut Jerusalimha sündui uskondkund. Valitas seičeme abunikad
Apostoloiden tegod (6:1-7). Kut Jerusalimha sündui uskondkund. Valitas seičeme abunikad
Veps
New written Veps
1Necen
aigan , konz openikoiden lugumär kaiken kazvoi , grekankeližed evrejalaižed buraidaškanziba evrejankeližiden päle , miše grekankeližid leskiakoid čuratas , konz jagadas jogapäiväšt abud .
2Siloi apostolad , ned kaks'toštkümne , kucuiba suimale kaikid openikoid i sanuiba : "Ei ole oikti , miše mö , apostolad , abun jagamižen täht jätam Jumalan sanad .
3Valikat , velled , teišpäi seičeme mest , keda lugedas hüvikš i ked om täuttud Hengel i melel , i mö panem heid neche radho .
4A mö tahtoim püžuda loičendas i Jumalan sanan jagamižes ".
5Nece pagin oli mel'he kaikile , ked oliba sigä . Hö valičiba Stefanan , mehen , kudamb oli täuz' uskondad i Pühäd Henged , i mugažo Filippan , Prohoran , Nikanoran , Timonan , Parmenan i Nikolajan , antiohialaižen , kudamb oli tulnu evrejalaižehe uskondaha .
6Heid todihe apostoloiden edehe , i apostolad loičiba i paniba käded heiden päle .
7Jumalan sana leveni , i openikoiden lugumär teravas kazvoi Jerusalimas , i äjad papid-ki zavodiba kundelta necidä uskondad .
Apostoloiden tegod (6:1-7). Kut Jerusalimha sündui uskondkund. Valitas seičeme abunikad
Veps
New written Veps