Texts
Return to list | edit | delete | Create a new | Statistics | ? Help
Apostoloiden tegod (8:14-25). Hüvä vest’ levigandeb judejaha i samariaha. Petr i Joan Samarias
Apostoloiden tegod (8:14-25). Hüvä vest’ levigandeb judejaha i samariaha. Petr i Joan Samarias
Veps
New written Veps
14Konz
apostolad Jerusalimas kulištiba , miše samarialaižed oliba otnuded südäimehe Jumalan sanan , hö oigenziba Petran i Joannan heidennoks .
15Tuldes sinna hö loičiba Samarian uskojiden polhe , miše hö saižiba Pühän Hengen .
16Ved' Heng ei olend völ lasknus nikenehe heišpäi , heid vaiše valatadihe Ižandan Iisusan nimehe .
17Sid' Petr i Joan paniba käded heiden päle , i hö saiba Pühän Hengen .
18Konz Simon nägišti , miše se , kenen päle apostolad panliba käded , sai Pühän Hengen , hän tariči heile dengoid
19i sanui : "Antkat minei-ki mugoine vald , miše kenen päle panen käded , ka se sab Pühän Hengen ".
20No Petr sanui hänele : "Kadogaha sinun dengad ühtes sinunke adhu , ku sinä meletad , miše void dengoile ostta Jumalan lahj !
21Nece azj ei ole sinun täht , sikš ku sinun südäin ei ole oiged Jumalan edes .
22Käraute täs sinun grähkäspäi i loiče Jumalale . Voib olda hän prostib sinei sinun meled .
23Minä nägen , miše sinä oled täuz' karktad sapid da oled grähkän sidegiš ".
24Sid' Simon sanui : "Loičkat minus Ižandale , miše minei ei tegižihe nimidä mugošt , miš tö olet pagižnuded "!
25Konz apostolad oliba todištanuded i sanelnuded Ižandan sanad , hö pördihe Jerusalimha . Matkan aigan hö saneliba hüväd vestid äjiš Samarian küliš .
Apostoloiden tegod (8:14-25). Hüvä vest’ levigandeb judejaha i samariaha. Petr i Joan Samarias
Veps
New written Veps