VepKar :: Texts

Texts

Return to list | edit | delete | Create a new | Statistics | ? Help

Apostoloiden tegod (9:1-19). Hüvä vest’ levigandeb judejaha i samariaha. Saul käraudase Ižandaha Iisusaha

corpus: Biblical texts

Source:
Uz' zavet, 2006, p. 287-288
Apostoloiden tegod. 9

Деяния апостолов. Глава 9. Библия (Синодальный перевод).

Apostoloiden tegod (9:1-19). Hüvä vest’ levigandeb judejaha i samariaha. Saul käraudase Ižandaha Iisusaha

Veps
New written Veps
1Saul kaiken-se kehui vihaspäi i grazi rikondal Ižandan openikoile. Hän mäni ülembaižen papinnoks

2i pakiči hänel Damaskan suimpertiden täht kirjeižid, kudambad andaižiba hänele valdan tabata necen opendusen mödhe eläjid, hot' keda: hot' mužikoid, hot' akoid, sidoda i toda Jerusalimha.

3Matkas, konz hän oli jo läz Damaskad, taivhaspäi ühtnägoi loštahti lämoi hänes ümbri.

4Hän lanksi maha i kulišti änen: "Saul, Saul, mikš sinä küksed mindai"?

5Hän küzui: "Ižand, ken sinä oled"? Ižand sanui: "Minä olen Iisus, se, keda sinä küksed. Sinei om jüged astta, ku sinä vastustad minun ohjandad’.

6Saul säreganzi pöl'gästusiš i sanui: "Ižand! Midä sinä tahtoid, miše tegižin"? Ižand sanui hänele: "Libu i mäne lidnaha. Sigä sinei sanutas, midä pidab tehta".

7Mehed, kudambad astuiba ühtes Saulanke, seižuiba vaikti. Hö kuliba änen, no ei nähnugoi nikeda.

8Saul libui maspäi, no konz hän avaiži sil'mäd, ka ei nägend nikeda. Toižed otiba händast kädes i veiba Damaskaha.

9Koume päiväd hän ei nägend nimidä, ei sönd i ei jond.

10Damaskas oli openik, kudamb kuctihe Ananiaks. Ižand ozutihe hänele nägudeses i sanui: "Anania"! Anania sanui: "Nece olen minä, Ižand".

11Ižand sanui: "Mäne irdale, sen nimi om Oiged, i küzu Judan pertiš Saulad Tarsalašt. Hän nügüd' loičeb.

12Hän om nähnu nägudeses, miše tänna tuleb mez', kudamb kuctas Ananiaks. Anania paneb käden hänen päle, miše hän saiži nägun tagaze".

13Anania sanui vastha: "Ižand, minä olen äjišpäi kulnu, kut äjan pahad nece mez' om Jerusalimas tehnu sinun uskojile.

14Tägä-ki hänel om ülembaižil papil anttud vald taboitelda kaikid, ked kucuba sinun nimed abuhu".

15No Ižand sanui hänele: "Mäne, minä olen valičenu händast tehmaha tetabaks minun nimed mirun rahvahiden, kunigahiden i Izrail'an rahvahan keskes.

16Minä ozutaškanden hänele, kut äjan hänele tarbiž mokitas minun nimen tagut".

17Anania läksi. Hän mäni neche pert'he, pani käded Saulan päle i sanui: "Saul, vellüdem! Mindai om oigendanu Ižand — Iisus, kudamb ozutihe sinei, konz sinä astuid tänna. Hän oigenzi mindai, miše sinä saižid nägun tagaze i miše täutaižitoi Pühäl Hengel".

18I sid'-žo Saulan sil'mišpäi kuti somused lanksiba, i hän ühtnägoi udes nägeškanzi. Hän libui jaugoile, i händast valatadihe.

19Sid' hän söi i vahvdui.

Деяния апостолов (9:1-19)

Russian
1Савл же, еще дыша угрозами и убийством на учеников Господа, пришел к первосвященнику

2и выпросил у него письма в Дамаск к синагогам, чтобы, кого найдет последующих сему учению, и мужчин и женщин, связав, приводить в Иерусалим.

3Когда же он шел и приближался к Дамаску, внезапно осиял его свет с неба.

4Он упал на землю и услышал голос, говорящий ему: Савл, Савл! что ты гонишь Меня?

5Он сказал: кто Ты, Господи? Господь же сказал: Я Иисус, Которого ты гонишь. Трудно тебе идти против рожна.

6Он в трепете и ужасе сказал: Господи! что повелишь мне делать? и Господь сказал ему: встань и иди в город; и сказано будет тебе, что тебе надобно делать.

7Люди же, шедшие с ним, стояли в оцепенении, слыша голос, а никого не видя.

8Савл встал с земли, и с открытыми глазами никого не видел. И повели его за руки, и привели в Дамаск.

9И три дня он не видел, и не ел, и не пил.

10В Дамаске был один ученик, именем Анания; и Господь в видении сказал ему: Анания! Он сказал: я, Господи.

11Господь же сказал ему: встань и пойди на улицу, так называемую Прямую, и спроси в Иудином доме Тарсянина, по имени Савла; он теперь молится,

12и видел в видении мужа, именем Ананию, пришедшего к нему и возложившего на него руку, чтобы он прозрел.

13Анания отвечал: Господи! я слышал от многих о сем человеке, сколько зла сделал он святым Твоим в Иерусалиме;

14и здесь имеет от первосвященников власть вязать всех, призывающих имя Твое.

15Но Господь сказал ему: иди, ибо он есть Мой избранный сосуд, чтобы возвещать имя Мое перед народами и царями и сынами Израилевыми.

16И Я покажу ему, сколько он должен пострадать за имя Мое.

17Анания пошел и вошел в дом и, возложив на него руки, сказал: брат Савл! Господь Иисус, явившийся тебе на пути, которым ты шел, послал меня, чтобы ты прозрел и исполнился Святаго Духа.

18И тотчас как бы чешуя отпала от глаз его, и вдруг он прозрел; и, встав, крестился,

19и, приняв пищи, укрепился.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages