VepKar :: Texts

Texts

Return to list | edit | delete | Create a new | Statistics | ? Help

Apostoloiden tegod (9:19-31). Hüvä vest’ levigandeb judejaha i samariaha. Saul saneleb Damaskas

corpus: Biblical texts

Source:
Uz' zavet, 2006, p. 288-289
Apostoloiden tegod. 9

Деяния апостолов. Глава 9. Библия (Синодальный перевод).

Apostoloiden tegod (9:19-31). Hüvä vest’ levigandeb judejaha i samariaha. Saul saneleb Damaskas

Veps
New written Veps
Saul äjak-se päiväd oli Damaskas openikoidenno.

20Hän sid'-žo zavodi sanelda suimpertiš, miše Iisus om Jumalan Poig.

21Kaik, ked kundliba händast, čududelihe. Hö saneliba: "Ei-ik nece ole se mez', kudamb Jerusalimas küksli nenid, ked kucuba abuhu Iisusan nimed? Ei-ik tänna-ki hän ole tulnu sen täht, miše tabata heid i veda ülembaižiden papidennoks"?

22No Saul sai kaik enamban väged. Hän segoiti Damaskan evrejalaižiden mel't sil, ku ozuti: Iisus om Messia.

23Päliči kuverdas-se päiväs evrejalaižed ladihe rikta Saulan.

24No Saul tedišti heiden peitkožmusen. Hö varjoičiba lidnan verajad öd i päiväd, miše rikta händast.

25No öl openikad otiba händast i lasketiba puzus lidnanseinän toižele polele.

26Saul tuli Jerusalimha i tahtoi putta openikoiden sebrha. No hö kaik varaižiba händast i ei usknugoi, miše hän om openik.

27Siloi Varnava oti händast i vei apostoloidennoks. Hän starinoiči heile, kut Saul oli nähnu tel Ižandan, kut Ižand oli pagižnu hänenke i kut hän Damaskas oli rohktas sanelnu Iisusan nimes.

28Sen jäl'ghe Saul eli i radoi ühtes heidenke Jerusalimas i rohktas saneli Ižandan Iisusan nimes.

29Hän pagiži grekankeližile evrejalaižile i ridli heidenke, a hö napriba rikta händast.

30Konz uskondvelled tedištiba necen polhe, hö veiba Saulan Kesariaha i sigäpäi oigenziba Tarsaha.

31Kaikjal Judejas, Galilejas i Samarias uskondkundil oli nügüd' tün' aig. Ned vahvištuiba i eliba Ižandad varaiten. I ku Pühä Heng tugezi niid, ka ned kazvoiba lugul.

Деяния апостолов (9:19-31)

Russian
И был Савл несколько дней с учениками в Дамаске.

20И тотчас стал проповедывать в синагогах об Иисусе, что Он есть Сын Божий.

21И все слышавшие дивились и говорили: не тот ли это самый, который гнал в Иерусалиме призывающих имя сие? да и сюда за тем пришел, чтобы вязать их и вести к первосвященникам.

22А Савл более и более укреплялся и приводил в замешательство Иудеев, живущих в Дамаске, доказывая, что Сей есть Христос.

23Когда же прошло довольно времени, Иудеи согласились убить его.

24Но Савл узнал об этом умысле их. А они день и ночь стерегли у ворот, чтобы убить его.

25Ученики же ночью, взяв его, спустили по стене в корзине.

26Савл прибыл в Иерусалим и старался пристать к ученикам; но все боялись его, не веря, что он ученик.

27Варнава же, взяв его, пришел к Апостолам и рассказал им, как на пути он видел Господа, и что говорил ему Господь, и как он в Дамаске смело проповедывал во имя Иисуса.

28И пребывал он с ними, входя и исходя, в Иерусалиме, и смело проповедывал во имя Господа Иисуса.

29Говорил также и состязался с Еллинистами; а они покушались убить его.

30Братия, узнав о сем, отправили его в Кесарию и препроводили в Тарс.

31Церкви же по всей Иудее, Галилее и Самарии были в покое, назидаясь и ходя в страхе Господнем; и, при утешении от Святаго Духа, умножались.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages