| 755 |
New written Veps
|
Journalistic texts |
|
Al’ona Jegorova.
Tundištoitte – Kipr!
|
-
Minä lujas navedin matkustada i en mahta ištta ühtel sijal pit’kha, sikš hüviš meliš vaumičin čemodanad da läksin kacmaha, mi nece om Kipr.
-
Nügüd’ tahtoižin starinoita teile ičein mel’pidos da erasiš meletusiš Kipran elon polhe, niid minai aigan mändes om jo äi.
-
Sikš ku nece om ezmäine küzund, mittušt ristitud minei tegeba, konz tedištaba, miše minä elän Kipral.
-
I minä kaiken sanun, miše sä om čoma.
-
Turistoiden aig om keväz’kuspäi kül’mkuhusai.
-
Mi väzutab, ka se, miše om lujas neps il’m, sikš ku ümbri om meri.
-
Necen nepsuden tagut kezal om lujas räk, ezmäi kaiked elokus.
-
Void pestas kümne kerdad päiväs, a muite sinun nahk om kaiken neps, tartukaz.
-
Tal’v om lühüd, tozi tal’vel vihmub äi.
-
Om mugoine jumalansän aig.
-
Kacud iknaspäi, ka meletad, miše taivaz om langenu da tuli mirun lop.
-
A völ’ tal’vel nepsuden tagut om lujas vilu, eskai ku irdal om +10 gradusad.
-
Siloi minä panen päle nenid-žo sobid, miččid panen päle Venämal, konz om -5 gradusad.
-
A ezmäi kaiked rižad necidä vilud, sikš ku pertiš-ki om vilu, nimiččed lämbitimed ei abutagoi.
-
Muga eläd-ki: irdal om +10 da kodiš +10.
-
No tobjimalaz niken minei ei usko, miše nece om vilu, da vaiše nagrdas mugoižes ”vilus” tal’ves.
-
Hüvä om, miše nece aig ei jatku pit’kha, vaiše üks’-kaks’ kud.
-
A mikš kodiš-ki om muga vilu, starinoičen nügüd’.
-
Vaiše nügüd’ rubl’ ei ole vahv, sikš, voib olda, tägä om jo kal’hemb, en teda.
-
Fater tägä om hüvä dengoiden panend.
-
Meil om sur’ fater da völ tanhas om bassein, a maksam nenedžo dengad, kut minun sebranikad Petroskoiš penembas fateras.
-
Mi om huba neniš pertiš ka se, miše konz niid saudas, ka kuti unohtadas, miše täga völ om tal’vki!
-
Se om lühüd, no om!
-
Kezal avaidad kondicionerad – teged verest il’mad honuses, sauptad – i kümnes minutas päliči om räk, kut ende-ki.
-
A tal’vel avaidad kaks’ lämbitint, kävutad äi elektroenergijad, a vaiše sauptad – ka sid’-žo udes om vilu, kut ende.
-
Sen-žo sün tagut äjiš pertiš om vilikon problem.
-
Mö tezim siš da valičim fateran koumandel žirul, kus om vähemb nepsut da vilikod ei tehte.
-
Rahvahan taban erigoičusid
Kipr om jagatud kahthe palaha.
-
Pohjoine pala om ottud Turcial, nece om ičenimitatud respublik Pohjoine Kipr.
-
A suvipala om iče Kipran respublik, miččen pärahvaz kuctase ičtaze grekoikš-kipriotoikš.
-
Kipral om jüged istorii.
-
Nügüd’ nece om ičenaine valdkund, grekad-kipriotad oma ihastusiš da ülevad sen polhe, no ei voi sanuda, miše nece om puhtaz grekalaine-kipralaine ma.
-
Päpainastuz om anglialaižišpäi.
-
Universitetoiš om äi angliankeližid tedokundoid.
-
No sikš ku Kipral om lujas äi toižiden maiden eläjid, kipriotad oma vähäižen rasistad.
-
Iče minä en ole homaičenu mugomad pidändad, no nene ristitud, ked eläba tägä äi vozid, sanuba, miše se om muga: kipriotad oma lujas ülevad ičesaze.
-
Om lujas jüged tehta karjerad, hot’ mitte melekaz sinä oled da hot’ kut hüvin tedad grekan kel’t.
-
Heiden elon taba grekan kelel om nimitadud ”sigä-sigä”, mi voib käta vepsäks kut ”hilläšti”.
-
Voib olda sen sü om räk, tüništoitai klimat, mi tegeb ristituid da živatoid hil’l’ikš da laškoikš.
-
Minä el’genzin jo, miše ku minai om mitte-ni tarbhaine azj, pidab tehta sidä homendesel, sikš ku päilongin keskust om kaks’-koume časud, a sen jäl’ghe äi sijoid om jo sauptud vai eskai ku om avaitud, ka radnikad oma jo laškad da ei rakoi, a vaiše joba kofed, pagižeba toine toiženke da vaiše tegeba nägubut, miše radaba.
-
Nene tavernad sijadasoiš edahan turistižes zonaspäi, söm niiš maksab äjad vähemba, mi turistoiden sijoiš, da iče söm om todesine tradicionaline i ka, äjad magukahamb, kut pidab-ki olda.
-
Päsöm Kipral om liha.
-
Sidä tehtas erazvuiččil laduil: pašttas päčiš äi časuid, žardäs, keittas, no kaikid tetabamb om lämoil tehtud liha – šašlik, mittušt tägä kuctas ”souvlaki”.
-
Voib olda, nece om turkalaine painastuz.
-
Meiden pertin ümbrištos om kuz’ pen’t sömsijad, kus voib söda lämoil vaumištadud lihad: šašlik, kebab, šaverma, lihapörukaižed da toižid lihasömid.
-
Om jüged ei mända sinnä, konz om mugoine gril’-lihan haju ümbrištos da tedad, miše liha sigä om verez, lujas magukahašti vaumitud da ei maksa äi.
-
Mö ostam läz kaikid fruktoid da jur’kazvmusid, miččed om kazvatadud Kipral.
-
Kaikuččel sezonal om ičeze veresed fruktad.
-
Om lujas čoma söda veresid, vaumitud päiväižel, ei amu keratud, da ilma konservantoita fruktoid, sikš ku ei pida niid vedäda edahaks mömha.
-
Heil om surid fruktoiden da olivkoiden saduid, jur’kazvmusiden lin’maid.
-
Minä kaiken meletin, miše banan om notked sus frukt, a apel’sin om muiged.
-
Se om lujas magukaz da tervheline.
-
Nügüd’, kut i kaikjal, om krizis.
-
Pauk 700-800 evrod kus, mi om vähä Evropan täht.
-
Elektroenegrii om lujas kalliž.
-
Mö em makskoi muga äi, sikš ku meil om gaz-keitim, gazlämbitim tal’veks, a kezal kävutam kondicionerad vähän, vaiše elokus öl, konz ei voi ani magata räkäs.
-
Gaz om äjal odvemb.
-
Sikš ku läz kaiken paštab päiväine, tägä läz kaikuččes pertiš katusel om päiväline batarei, mitte lämbitab vet sures bučiš.
-
Vaiše tal’vel, konz kogonaine päiv om pilvekaz, pidab avaita elektroboilerad.
-
Ka, benzin om kal’hemb, mi Venämal, no äjal odvemb mi Evropas.
-
Hö meletaba, ku susedal om uz’ mašin, heile-ki tariž ostta mugažo.
-
Irdoil om lujas äi surid kal’hid mašinoid.
-
Sen-žo sün tagut kodikaluiden da sobiden arv om kalliž.
-
Venänikad Kipral
Kipral venänikoid om tozi äi.
-
Kipral om venänkeline radio, äi venänkeližid lugendlehtesid da kulehtesid.
-
Kaikuččes lidnas om venälaižid laukoid, kus voib ostta sömäd Venämalpäi.
-
Kaikuččes lidnas om eskai venälaine škol da lapsidenkodi.
-
Turistine Kipr
Lopuks tahtoižin sanuda, miše Kipr om lujas čoma sija lebun täht.
-
Nece om lujas hüvä antidepressant.
-
Kipral kaikutte turist voib löuta midä hänele om enamba mel’he.
-
Ku vastkarin tahtoid vessläd ö-elod, mäne Ajia-Napaha, nece om tetab sija norišton täht, kus om äi baroid da diskotekoid.
-
Ku tahtoid tulda lapsidenke, heile-ki om midä tehta Kipral: zooparkad, veziparkad, lunaparkad da toižed.
-
Ku oled aktivine turist, ka tägä om midä nähta-ki: erazvuiččid endevanhoid pachid, endevanhoiden lidnoiden rungoid da endevanhan grekan taidehen muštpachid.
-
Om äi mahtoid tehta vezisportad.
-
Om čudokaz, miše void päivitadas da kül’ptas meres, a sid’ ajada mašinal 80 kilometrad da putta todesižehe tal’vehe: väta sigä lumižihe da šurkta sigä mägelpäi.
-
En teda, kut pit’kha völ eläškanden Kipral, no minei se om mel’he.
|
