VepKar :: Texts

Texts

Lexico-grammatical search | Create a new | ? Help

Advanced Search ↓

ä

ä

ä

by

records
Simple Search ↑

232 records were found.

No Dialect corpus genre Title Sentences
231 Tolmachi
 Folklore texts Zagovor, incantation Lašta kyl’vet’t’i buabo
(Баня, родильная обрадность)
  1. Kylyh käwn’diä pidäw t’ied’iä, mahtua männä da i läht’ie mahtua.
  1. Toko kuin mänet kylyh, pidäw jo olla iččiellä tože čistoina i pidäw bluasloven’n’anke männä, tallata oigiella jallalla kynnykšeštä piäl’ičči, da i šanuo ves’ma jo armahazešti: kylyn izän’däzet, kylyn emän’däzet, ottakkua milma omakši.
  1. Ennen toko šanottih, što ka šovat, tullah šovat, rivut, da što pidäw t’ietä, štobi ei ševottua, što pidäw tolkuija hos’s’en: oletgo šie čistoi?
  1. Mie vet en ole čistoi, pidäy šanuočie da ei pie yheššä peššä, vain ugod’ie peššä konža ollah molemmilla rivut piällä.
  1. I nagol’e ves’ma vardeil’iečettih kylyh män’dyöh, što pidäy t’ietä kuin männä i šielä tolkuiččiečie kuin olla i kuin i läht’ie, äššen šie l’ienet ožakaš kylyštä läht’iessä.
  1. Kuin ševondua pidäw vardeija toin’e toizen, n’iin i löwlyö luondua pidäw vardeil’iečie, äššen lähet šie normal’noi kylyštä, a ei n’in šiwlaš l’ienöw jygie viikon jäl’geh kylyö.
  1. Pidäw nagol’e t’ied’iä kuin hänenkena, što ei pie...
  1. Ken on vain čistoi, n’in i lapši l’iew viikon, ei l’ienöw čistoi, dai ei l’ie ožakaš, a kuin kaikki kuin šuaw luad’ie kuin pidäw, n’iin lapši ves’ma väl’iän spruaviečow i čist’iečow, i l’iew ves’ma hyvä lapši.
  1. A muamolla lapšen n’ellä kymmen’dä päiviä ei anneta lašta peššä, i nagol’e hiän jo muijen jäl’geh pez’iečow, što hiän ei ole nagol’e čistoi, što hän’ellä nagol’e pidäw olla vain muista muwtettuna.
232 Tolmachi
 Dialectal texts Narrative R’iähis’tä
(О грехах)
  1. I opaššettih pieneštä šuat kumardelomah, i kuin pidäw kumarrella, i kuin pidäw zavod’ie l’eibiä šywvä.
  1. I nagol’e, štobi ennen šyön’d’iä pidäw kumarrella i pidäw Otče naš lugie.
  1. I näin pidäw nagol’e jogohizella ennen šyön’d’iä.
  1. Istuočet, pidäw bluasloven’n’ua pakota: bluaslovi Hospodi jo šyömäh, šyön’däh.
  1. A pidäw nagol’e, štobi olla...
  1. I kaikki nagol’e pidäw t’ietä, štobi i kumbazešta r’iähäštä kuin piäššä da izbuaviečie.
  1. I kuin häneštä, mityš pidäw otvietta andua, mittyz’inkena r’iähinkena pidäw...
  1. Mittyz’is’tä r’iähkie pidäw varata, kumbazet ollah...
  1. Valehukšešta toko pidäy nagol’e pieneštä šuaten i šanottih, opaššettih: lapšet, ei pie valehella, ei n’i kuwldu, kiel’eštä i r’iputetah.
  1. pahoin ka ei pie el’iä, pidäy zakonua t’ietä, što miehellä männä kuun, n’in pidäw venčaiččiečie.
  1. I kaikenmuozet on šuwret zastuavat kuolduo, vettena kaikenmuoz’ista šuwr’ista r’iähis’tä pidäw yl’en mahtua vardeil’iečie.
  1. Kir’iköštä lähet, pidäw männä rod’it’el’oida muissella, kalmoilla mänemmä.
  1. A t’iälä koissa nagol’e vuotetah, šywvä ei, štobi kir’iköštä kuin tullah, n’iin äššen jo i ruvetah šyömäh, što r’iähkä nagol’e, što pidäw vuottua konža kir’iköštä tullah.
  1. Aivin nagol’e, što kir’ikköh pidäw männä.
  1. I piät’inčänä n’iin že, što pihytyšpäivä, pidäy...
  1. Stolan tagana ei pie nagrua, ei pie midäved’ih paissa, a pidäw šywvä iän’että vain äššen.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages