Тексты
Вернуться к просмотру | Вернуться к списку
Terveh, meččy!
История изменений
19 января 2023 в 16:53 Нина Шибанова
- создал(а) текст
- создал(а) текст: Terveh, meččy, hyvä tuttau! Ainos vahnu, ainos nuori. Vastuat kaikkii, kaikkii vuotat. Keviäl čomih ruuttih šuoriet. Talvel vieldät turkin piäle. Roittos turbei, roittos valgei. Heityt orgoh, astut mäile. Sinus meijän elos algoi. Sinä annoit taloit nämmä, Talven pakkasilmois suojan. Annoit taloih oman lämmän. Olet kaiken hyvän tuoju. En vai ottamah da suamah Minä meččymäile nouze. Mieleh tullah sinun suarnat, Sanelendat kaikenmoizet. Kuulen iänen mečän keskel. Ojainego čurčetannou? Vaigo mečän neičoi vessel. Pajostu sie pajatannou? Ken sie pediän oksis juoksou, Puudu myöte alah heittyy? Kedä kuuzi, turbeioksu, Juurien tyves pimies peittäy? Troppu minuu ielleh vedäy, Astun, kuundelen da kačon. Ainos suan tiä, midä pidäy, Ainos lövvän, midä ečin. Terveh, koivikkoine nuori! Terveh, kuuzet ojarannal! Terveh, pedäi, ylbei, šuorei! Hyvä tulla teijän alle.