Texts
Return to list | edit | delete | Create a new | Statistics | ? Help
Maidosyömizii omal mualpäi
Maidosyömizii omal mualpäi
Livvi
New written Livvic
Mägriän
souhozan Jessoilan kyläs olijois fermois suurendetah elättilöin luguu .Vie eräs uuzi lehmientahnut täs rubieu ruadamah kahten nedälin peräs .Kai ruadoh tarvittavu laittehisto jo on azetettu .
Vuvvennu 2025 "Jessoilu " on suannuh maidosyömizien valmistamizekse 1081,8 tonnua maiduo , se on 63,4% enämbi ennemullostu .Laitoksen pluanois vuvvekse 2026 on suaja 1200 tonnua maiduo .
Tänäpäi laitos paiči maiduo valmistau argivoidu , jougurtoi kuuttu maguu , ruahtuo kahtu luaduu da kannatestu .Luakois jo suau ostua Jessoilan kannatestu pienes asties — 140 grammua .Se on mieldy myöte ostajile .
— Myö ielleh kehitämmö jougurtoin tuotanduo , Karjalan eläjii net miellytetäh . Opimmo uuzii maguloi , lähi aigua taričemmo niilöi ostajile , sanoi Jessoilu - laitoksen varapiämies Ivan Kuznetsov Karjalan piämiehen lehtistöpalvelule .
Karjalan piämies vihjuau , ku tazavallan haldivo kannattau valdivollizii laitoksii .
— Meijän maidotuottehien luadijat taritah ekolougizesti puhtastu produktua , se on tärgei semmite lapsih niškoi , sanoi Artur Parfenčikov .
Lähi aigua Jessoilu-laitoksen tuottehii suau ostua P’at’oročka-verkon laukois .
Maidosyömizii omal mualpäi
Livvi
New written Livvic