Texts
Return to list | edit | delete | Create a new | Statistics | ? Help
Margarita Kemppainen. Pedrun da Puavilan päivy piettih Oniegantagavozes
Margarita Kemppainen
Pedrun da Puavilan päivy piettih Oniegantagavozes
Livvi
New written Livvic
Putkojärven kaunehel
rannal 167 kilometrin piäs Petroskoispäi da puolensuan kilometrin peräs Karhumäispäi sijoitui Batovo-kyläine ."Eländykohtien luvettelus " se on kirjoil vuvves 1905. Sit kyläzes kodiloin keskes kokottau pikkaraine časounaine pyhän Pergaman Antipan mustokse .Kaheksakolkaine rakendus korgien šat’or-levon kel on XIX vuozisuan puuarhitektuuran mustomerki .
Konzu 1930-luvul časounaine rodih tiel dorogua luadijes , se eistettih mägyričälpäi alemba .Nevvostovallan aigah sie oli muanväityksien skluadu .Nygöihäi paikallizet eläjät kabrastettih časounu , viettih iäres kai lomut da lijat da otettihes sen kohendamizeh .Da ku časounu on puuarhitektuuran mustomerki , sen kohendamizeh kučuttih tiedäjii rahvaii , restavruattoroi .Jo tuliel kuul kyläh tullah Yhtehine dielo .Pohjazen puuhizien mustomerkilöin elavuttamine -liiton volont’ourat , hyö konserviiruijah časounu tuliekse aigua .
A kyläläzet da vakkinazet kerävyttih 12. heinykuudu pyhien Pedrun da Puavilan pruazniekkah .Pivon allus piettih moleebenu Pergaman Antipan časounalluo .Sit vaste pruazniekku algavui : vuorotellen kaččojien da kuundelijoin edeh tuldih pajo - da tansijoukot , piettih arbajazet da neroniekoin jarmanku .Sit kaikin kerävyttih pruazniekkustolah , kuduah kaikkielpäi tuodih samvuarua , piiraidu , syömisty .Oligi vaste suavus kalas keitetty liemi .
Puutui meil kyliä kaččuo .Sie kodiloin välis ei ole aidoi – nimikse ei pie .Eigo sigäläzet rahvas , kui myö toizet , lukita kodiloi .Kyzyimmö heil , mindäh , vastattih – ei pie sidä .Rahvas tiä eletäh sobuh da rauhas .Kyläs tottu toven on hyvä olla .Da uskommo , ku terväh kylän keskes rubieu kokottamah kohendettu Pergaman Antipan časounu .
Tämä matku Batovoh oli hommattu Meijän kodi -liiton projektan varoil .Projektan nimi on "Karjalan muan pyhän kaiččijan Aleksandr Svirskoin hengellizen perinön elavuttamine ", sidä todevutetah Ven’an prezidentan fondan kannatuksel .
Pedrun da Puavilan päivy piettih Oniegantagavozes
Livvi
New written Livvic