Texts
Return to list | edit | delete | Create a new | Statistics | ? Help
Marija Kirillova. Huomijon pistehenä on tanššiperintö
Marija Kirillova
Huomijon pistehenä on tanššiperintö
Karelian Proper
New written karelian
Uuši
Tanššimaini Karjala -projekti on šuunnattu tašavallan tanššiperinnön šäilyttämiseh ta eistämiseh .Še yhistäy horeograffija , tanššijie ta niitä , ket kiinnoššutah aihiešta .
Projektin piätulokšekši tulou šarja 12 videošta , kumpaset kerrotah perintehellisistä karjalaisista kisoista ta tanššiloista kuin Kruuka , Pukki , Kinnaš , Kantakisa , Kumarruškisa , Kaklakisa , Hanhi ta repo ta muut .Kuvitukših ošallistuu kakši kollektiivie : Petroskoin M .A . Balakirevilla nimitetyn lapšien taitokoulun Vesläžed-folkloriyhtyveh ta Karjala-folklorietnoyhtyveh .Kisoja ta tanššija esitetäh parittain ta joukoittain .
– Kaččomatta meijän projektin luajuteh šen piäryhmänä on kuitenki nuoriso . Nyt on tärkie kertuo vanhoista tavoista nykyaikasella kielellä .Projekti näyttäy alkuperäisien etnografisien lähteijen pohjalla rekonstruoituja perintehellisie kisoja ta tanššija .Šiitä alkau tuttavuštumini perinteheh .Ka rekonstruoinnan lisäkši tulou toisie elementtijä , šelitti projektin ohjuaja Ol’ga Husu .
Projektin šuurekši vaihiekši tulou seminari , kumpani mänöy Sortavalašša 4.–6. šyyškuuta .Še on omissettu kanšanhoreografijalla .Tuntija vietetäh opaštajat Karjalašta , Nižnii Novgorista ta Moskovašta .
– Šamoin projekti antau mahollisuon tanššiperinnön nykyaikaista šelittämistä varoin . Haluomma , jotta nuoret ihmiset košetettais eläväh istorijah , a heijän nykyaikani ymmärtämini näyttäis luonnolliselta .Kučumma projektih luovien nuorisokollektiivien johtajie , vet niijen kautti perinneh löytäy uuvven taipalen .Još nuori ihmini rupieu kiinnoštumah perinteheštä , tuntou šitä ta liittyy šiih , myö ymmärrämmä , jotta etnokulttuuri-integratijo onnistu .Še on meijän piätuloš , korošti Ol’ga Husu .
Šajekuušša 2026 järještäjät vietetäh työpajoja Lahdenpohjašša , Pitkärannašša , Aunukšešša , Kemissä ta Segežašša .Niih ošallistuu tašavallan luovie kollektiivija .
Tanššimaini Karjala -projektie toteutetah käyttyän Venäjän kulttuurišiätijön granttie Perehkanšallisprojektin federalisen Pereharvot ta kulttuurin infrastruktuuri-projektin rajoissa .
Huomijon pistehenä on tanššiperintö
Karelian Proper
New written karelian