Texts
Return to list | edit | delete | Create a new | Statistics | ? Help
Valentina Libertsova. Miksebo Ogrodal-runoh pidi kaži?
Valentina Libertsova
Miksebo Ogrodal-runoh pidi kaži?
Livvi
New written Livvic
Ogrodal-runos Vladimir Brendojev kerdou
omua ruaduo "pitkil kezäpäivil ".Rivilöin keskes "hyppiu-čihkau " kažinpoigu , puoli runuo kuvailou elättii .
Karjalazien ogrodat
Vladimir Brendojevan Ogrodal-runo on kunnollizesti painettu 1991 vuvvel Sana , kuultu muaman suus .Karjalazet runot lapsile -kniigazeh .Sen on kaunehesti čomendannuh taidoilii Mihail Koppalev .Tiettäväine , lapset enne luvendua ainos ečitäh kniigois čomazii .Mibo seiččemenden sivun čomazel , Ogrodal-runon rinnal kiinostau ilmai noudajua linduu kažii ?Ga aidu .Viizas , čoma , gu kaldavunnuh , tavalline karjalaine kurrelline aidu , mittustu nygöi , onnuako , suau nähtä vaigu Kižin suarel .Aijata ogrodua pidiä ei suannuh , se voibi nähtä kanzikuvas : hierun nurmel kogo päivät näčytettih heinii lambahat vuonazienke , pienet vazazet , kanat .Sit niittiä pihoi ei pidänyh .Ga ogrodoi pidi vardoija .
Ei ammui Petroskoin yliopiston da Anuksen muzein väil painetus Karjalazen muanruadajan elaigu : taival mennyös aijas nygözeh -kniigas Svetlana Bel’anina da toizet tutkijat kirjutetah , gu karjalazet piettih ogrodoi kylis dai linnois jo XVII vuozisuas algajen .Net muututtih , kazvettih , autettih jygielöil aijoil .Kylis joga pihas XX vuozisuan toizel puolel oldih aijoil rajoitetut paikat , kudamil kazvatettih vähäzin sv’oklua , morkouhkua , kapustua , äijy laukkua , mandžoidu , čihoidu , pandih parniekkaine ogurčoih niškoi , istutettih kukoimuarjua , pihl’ajua libo tuomie da kukkua pyöryžäle vavole .Kartohkua pidi žiivatoile vägi tukku , sit piettih ližäkse peldoloi hierun reunal .
Kezäpäivän ruavot ogrodal
Vladimir Brendojevan Ogrodal-runo algavuu kahtes rivis , kuduat kuvaillah sen päivän siädy :
Taivahal on vihmuvemmel ,
Pihal lämmät luhtat .
Tiettäväine , pieni lapsigi sanou , se on vihman jälles .Myö nygöi , onnuako , ovvostummo : kuibo suau vihmal ruadua ?Kastut !A enne rahvas kiirehtettih kytkemäh , kuni mua oli pehmei , rikkoheinät kebjieh riuhtavutah , uvvet ei ehtitä nosta muatettuh muah , dai tuhkat suletah teriämbi , puututah kazvoksien sydämeh .Nägyy , piähengi suvaiččou ruadua "pitkil kezäpäivil nemmil ".Ielleh kolmes rivis runoilii kerdou omat ogroduruavot : "ohtoit nyhtin , kytken mandžoit , kylvän tuhkal vavon keskuččažet ".Voibi sanuo , ei net ruavot kuuluta kebjielöih , kodvan ruadajes , roih atkal da vaigei , himo kačahtuakseh ymbäri .A sie :
Vavon pohjas hyppiy-čuhkau
Mustu poigukaži .
Ritmu , ylen oigieh luajittu painotavuloin vaihtelun vuoh , ozuttau kažinpoijan kummakkahat liikkehet , hypindän .A čuhkandu kuuluu , onnuako , ei suuspäi , a käbälis märgiä muadu myöte .Ielleh runoilii jatkau kirkielöin da voraččuloin , kižan jyttymien liikkehien kuvailendan :
Lekkuu händy salatinnu ,
Särähteleh sägä .
Verdailendu hännän viukandua salatti-kalazenke tuli , vikse , Brendojevan meriruavos , meijän vezis net kalazet ei uijella – virutah jiäškuapois da konservubankois .Hännän lekundu kovii iänii myö (l-kku-ndysalati-nnu ) on vedrei , a sägä vastukohtan mugah nägyy pehmienny , kebjielöin , hienozien villazienke – moizet on käytetty rivih iänet .Ielleh kirjuttai sellittäy kažinpoijan ruavon tavoittehen :
Tahtoš tavata häi linnun ,
Veron tahtoš magien .
Kahteh kerdah käytetty sana "tahtoš " ozuttau suuren syöndyhimon .Piähengi buitegu kačahtih rinnal telmäjäh elättih da muutti ruavon , rubieu liigoi vezoi katkomah , sentäh , gu sit "muarjua kazvau enäm ".Ruado on kebjiembi , voibi puaksumbah kaččuo , kui :
Linduu viivitellä jatkau
Kisoi valgeinenä .
Kellebo pidi kaži ?
Kenbo ruadau ogrodal täs runos ?Voibi olla vahnembi , mies , naizel ruaduo olis ozutettu enämbi .Ga sydämeči yksisama häi on lapsi , kudual atkal olis yksinäh kytkie .Sit huogavundakse kaččou kažih , muuttau ozii yhtyssanois : "ukonvemmel " sijah "vihmuvemmel ", "kažinpoijan " sijah "poigukaži ", libo "kisoi ".
Ogrodal-runon Vladimir Brendojev kirjutti lapsile , lapsien kielel , kuvil , mielil .Vaigu viizahembi , älykkähembi , suuren neronke .
Miksebo Ogrodal-runoh pidi kaži?
Livvi
New written Livvic