Texts
Return to list | edit | delete | Create a new | Statistics | ? Help
Larisa Smolina. Pohjoižen naižiden forum
Larisa Smolina
Pohjoižen naižiden forum
Veps
New written Veps
30. kezakud
– 1. heinkud rahvahaližes "Venäma "-keskuses Moskvas mäni II Pohjoižen naižiden forum , miččehe ühtni enamba 1000 mest 52 regionaspäi . Ühtnikoiden keskes oliba tedomehed , biznesmehed , kul’turradnikad , opendajad , valdmehed , erazvuiččiden organizacijoiden ezitajad .
Delegacijas Karjalaspäi oliba Karjalan parlamentan varapämez’ Ol’ga Šmajenik , "Kantele "-ansambl’an pämez’ Natalja L’vova , "Vepsän kul’tursebran " aktivistad Natalja Silakova , Maria Košeleva , Nina Koren’kova , Jevgenia Šustova , Ol’ga Smirnova da Larisa Čirkova .
Täl vodel foruman aigan radoi 17 sekcijad .Äi homaičust anttihe vähäluguižiden igähižiden rahvahiden naižile , ked eläba Pohjoižes , Sibiriš da Edahaižes Päivnouzmas .
Avaižihe forum plenarižel ištundal , kus naižid tervehtoitiba Venäman parlamentan pämez’ Valentina Matvijenko , Venäman ministerstvoiden , erazvuiččiden organizacijoiden ezitajad , regionoiden pämehed , biznesmehed , opendajad , lekarid da kul’turradnikad .
Kaik päiväd sekcijoil pagištihe tärktoiš küzundoiš : naižiden panendas pohjoižregionoiden kehitoitusehe , tervhudes , radnikoiden kazvatuses , kul’turjäl’gestusen kaičendas , openduses , tradicionaližiš tedoiš , kul’turas da kodikeles .
Vepsän kelen da kul’turan kaičendan polhe Karjalas sanui "Vepsän kul’tursebran " pämez’ Larisa Čirkova .Hän starinoiči projektoiš , miččed abutaba kaita vepsän kel’t , siš kut kingitada lapsiden homaičust vepsän kul’turaha nügüdläižiden tehnologijoiden abul da kut paremba sirtta tradicionaližid tedoid norele pol’vele .
Opendusen sekcijale "Vepsän kul’tursebran " aktivist Natalia Silakova starinoiči tehtud openduzkirjoiš , etnokul’turižiš programmoiš , miččed oma Karjalas da miččed abutaba opeta vepsän kel’t školiš , Petroskoin universitetas , tradicionaližiš tedoiš etnoturizmas da kreativižiš alovehiš .
Londusen varjoičusen sekcijan ekspertan oli Karjalan parlamentan varapämez’ Ol’ga Šmajenik .Hän sanui karjeroiš , miččed radaba ümbri vepsläižiš posadoiš da kingiti homaičust kivimägihe , miččed kazvaba vodespäi vodhe vepsläižiden küliden keskes da traviba londust .
Forumal oli muga äi aktivižid naižid , miše kaikil sündui mel’ : naižiš om vägi .Hö oma hüväd mamad , aktivižed radnikad da melentartuižiden idejoiden pidäjad .Heiden päiš om muga äi melid , miččid hö mahtaba pästta eloho kacmata erazvuiččihe jügedusihe .Ližarad ei telusta heile , a abutab kehitoittas da tehtas parembikš .
Foruman aigan kaik naižed oliba rahvahaližiš sädoiš , sikš voi kebnas el’geta , miččiden regionoiden da rahvahiden ezitajad hö oma .
Foruman tegijad oma Venäman parlament da Arktikan ministerstv Edahaižen Päivnouzman da Arktikan kehitoitusen korporacii .Lopihe forum plenarižel ištundal , mittušt vedi Galina Kerelova , Jevrazijan naižiden foruman nevondišton pämez’ .Hän homaiči , miše naižiden vastuz om tarbhaine , se tob kaikile naižile vaiše hüväd , sikš voib meletada jo koumandes forumas , mitte linneb koumes vodes päliči , a sil aigal rata ičemoi regionoiden , ičemoi rahvahiden da meiden suren Venäman hüvüdeks .
Pohjoižen naižiden forum
Veps
New written Veps