Texts
Return to list | edit | delete | Create a new | Statistics | ? Help
Olis muasteri, ruaduo löydyy
Olis muasteri, ruaduo löydyy
Livvi
New written Livvic
Heinykuus
Anuksen piiris ruadoi "Ilmarizen škola ".Suuren Sellän kyläh Traektorija-projektan ozanottajikse tuldih 17 hengie .Projektas on kaksi ozua .Yksi on vanhan časounan tutkimine da uvvistamine , toine on puunleikkavus - da sepän taido , sidä johtau rahvahan muasteri Jurii R’abinkin , opastajinnu ollah rahvahan muasteri Rizabek Baitumenov da anukselaine puunleikkavuksen opastai Sergei Gilojev .
Ozanottajii oli Ven`an eri linnoispäi .Opastajinnu oldih alan tiedomiehet , arhitektorat , puunleikkavusmuasterit .Kaikin , kenen mieldy kiinnittäy Karjalan puuarhitektuuran histourii , rahvahan endizet rakendus - da puunleikkavustavat .
Jurii R’abinkin omas Or’ol-linnas ruadau Rakendus - da restavratsien tehnikuman muasterinnu .Svetlana Dudkina Nižni Novgorodas on dizainer , piirdämizen opastai , oman stuudien johtai .
Kiviojan kylän muasterin Tačin Vasilii Mihailovičan luajittu stuulu on löydynyh Suuren Sellän erähäs vanhas talois .Se ei ole ylen vanhu , on luajittu jo voinan jälles .Ga toizeh sen aijan stuulah verratunnu on ihan toizenmoine .Ylen hoikkaine , ga levei istuimen laudaine on vestetty kirvehel , sen jälgii on puus .Erähis kohtis , tiettäväine , puu on hapannuh .Muasterin opastuksel net kohtat vaihtetah uuzih .Ruado iče on tulluh maltajien käzih .Nuoret opastutah , nero jatkuu , karjalazen muasterin nimi jiäy mustoh .
Ilmarizen školan puunleikkavuksen opastuksih voidih kävvä kylän rahvas dai lapset vanhembienke muijalpai , kedä miellyttäy puunleikkavus .
Olis muasteri, ruaduo löydyy
Livvi
New written Livvic