Error:
Недостаточно прав на выполнение этой операции
Texts
Return to list | edit | delete | Create a new | Statistics | ? Help
Sidorkin, Valerii. Perintehet ta nykyaika yhissyttih
Sidorkin, Valerii
Perintehet ta nykyaika yhissyttih
Karelian Proper
New written karelian
Petroskoin kaupunkin
näyttelyšalissa toimiu Runojen ta muinošlaulujen kaijut -nimini näyttely .
Näyttely on omissettu Karjalan tašavallan käyttötaitomuasterien ammattikunnan 30-vuotisjuhlalla ta Venäjän kanšojen yhtenäisyön vuuvvella .
Runojen ta muinošlaulujen kaijut -näyttely tuttavuššuttau meijän muan šuomelais-ugrilaiseh kulttuurih ta venäläiseh folklorih , šen kantakanšojen perintehih ta niijen nykyaikaseh šelitykšeh .
– Šemmoni tuttavuš on šivottu Elias Lönnrotin tunnetun eeppisen Kalevala-runoelman tapahtumih ta henkilöih , pomorien , oneganiemiläisien ta puudožilaisien muinošlauluih ta starinoih . Še kaikki avautuu Karjalan käyttötaitomuasterien töijen kautti , šelitetäh näyttelyn järještäjät .
Näyttelyh ošallistu 50 muasterie .Heijän luvušša on tunnettuja ta alottajie .Kaikki työt on luajittu viimesen kahen vuuvven aikana ta on esitelty enši kertua .
Näyttelyesinehien luvušša on Irina Porošinan luatimie pukuja Kalevala -, Pohjosen linnutta Mečän neito -kokomukšista , L’ubov Malinovskajan Karjalan meččien isäntä - ta Karjalan huomenekšen emäntä -nimisie kukloja , Aleksandr Laliašvilin luatimie Väinämöisen veššokšie .
Šamoin esillä on alavoiselaisen muasterin Tatjana Juškovan ta aunukšelaisen Ol’ga Žuravl’ovan kutomie Kalevala - aiheisie luajokšie , kontupohjalaisen Jelena Kudr’avtsevan kultalankamerkkaukšie , riipuškalilaisen Galina Triškinan tikuttamie luajokšie ta koštamukšelaisen Tatjana Vasiljevan veštämä triptiikki .
Šamoin omie luajokšie eri materialiloista ta eri tekniikoissa esiteltih muasterit Belomorskista , Sortavalašta , Pitkärannašta , Kurkijovešta .Lisäkši näyttelyššä voipi lukie kotišeutututkijan Tatjana Mošinan tekstijä Elias Lönnrotista , runonlaulajista Arhippa Perttusešta ta Matvei Korgujevista , itkijäštä Irina Fedosovašta ta starinankertojašta F’okla Bikovašta .
Čukeltuo runojen , muinošlaulujen ta starinojen muailmah voipi Kaupunkin näyttelyšalissa 15. elokuuta šuaten .
Perintehet ta nykyaika yhissyttih
Karelian Proper
New written karelian