Texts
Return to list
| edit | delete | Create a new
| Statistics
| ? Help
Karjalan kruugu pyöri Petroskois
Source:
Oma mua. № 31, 2026, p. 2
Karjalan kruugu pyöri Petroskois
Livvi
New written Livvic
Kahtu päiviä enne Muailman kandukanzoin päiviä Petroskois piettih perindölline kruugu-pido.
Sinä piän illal Onieganjärven rannale kerävyi läs 200 hengie pyörimäh karjalazes tansis. Otto Kuusizen mustopaččahan tyves pietty Petroskoin kruugu pani allun tazavallan toizis kohtis piettylöile pidoloile. Kruugat elokuun 7.–12. päivien välis viettih Karjalan 20 eri kohtas.
– Karjalale tämä pruazniekku on ylen tärgei. Tiä sobuh da rauhas eletäh ven’alazet, karjalazet, vepsäläzet da toizien kanzoin edustajat, da jogahine luadiu oman panoksen meijän rannan kul’tuurah. Perindöt, kielet, nerot, pajot, bilinat da runot – net ollah meijän rikkahus, kuduadu meile pidäy säilyttiä da jättiä omile lapsile da bunukoile. Perindön mugah Karjalas sinä piän pietäh kruugua. Sit tansis ammui rodih meijän yhtenäžyön da ezi-ižien perindölöin kunnivoittamizen merki. Anna perindöt lujetah, a sugupolviloin yhtevys ei katkie nikonzu, kirjutti Kanzallizen da alovehellizen poliitiekan ministru Sergei Kisel’ov omassah VK-sivul.
Kruuga-pivon hommai Periodika-julguamon Karjalan kanzoin ystävyskodi.
